«Հոկտեմբերի 27-ի» գործի դատավարությունը վարող Սամվել Ուզունյանը այսօրվա նիստում հայտարարեց, որ ժամանակավոր պատգամավորական հանձնաժողովի միջնորդությունը չի քննարկվելու:

«Հայաստանում Ադրբեջանի պատվիրակությանը ընդունել են ամենաբարձր մակարդակով», - լրագրողների հետ զրույցի ընթացքում հայտարարել է Ադրբեջանի ներքին գործերի նախարար Ռամիլ Ուսուբովը, որն այս օրերին գտնվում է Երեւանում, ուր այսօր իր աշխատանքն ավարտեց ԱՊՀ երկրների ՆԳ նախարարների հերթական նիստը:

Մոսկվայում հունիսի 25-ին կկայանա Իրան-Հայաստան գազատարի շինարարությունը նախաձեռնող միջազգային կոնսորցիումի նիստը:

Այսօր սկսվեց ԵԱՀԿ Մինսկի խմբի համանախագահների հերթական խորհրդակցությունը: Այս անգամ ռուսաստանյան, ամերիկյան եւ ֆրանսիական դիվանագետները հավաքվեցին Մալթայում: