Պաշտոնական Բաքվի ներկայիս ոչ կառուցողական դիրքորոշումը կարող է բացասաբար անդրադառնալ ղարաբաղյան հիմնահարցի կարգավորման ամբողջ գործընթացի վրա, ասել է Վարդան Օսկանյանը:

«Քանի դեռ հարցը կարգավորված չէ, տեսականորեն պատերազմի վերսկսումը հնարավոր է, սակայն դա ավելի շատ կապված է տարածաշրջանում ուժերի հավասարակշռության, մեր երկրի տնտեսական զարգացման ու ռազմական ներուժի հետ», - ասել է Ռոբերտ Քոչարյանը:

Ջոն Օրդուեյի խոսքերով, Վաշինգտոնի վարչակազմը առաջարկել է ավելացնել Ադրբեջանին տրամադրվող ռազմական օգնության ծավալը` հաշվի առնելով ահաբեկչության, թմրանյութերի ապօրինի շրջանառության դեմ պայքարի ուժեղացման հարցերում պաշտոնական Բաքվի կարիքները:

Մոսկվայի քաղաքապետը նաեւ պատրաստակամություն է հայտնել աջակցելու հայ գործարարների մասնակցությամբ մանրածախ առեւտրի զարգացմանը:

Այդ գաղափարն առաջադրվել է Քրիստիան Փոնսլեի եւ ՅՈՒՆԵՍԿՕ-ի բարի կամքի դեսպան, հայտնի ռուսաստանցի գործարար եւ Համաշխարհային հայկական կազմակերպության նախագահ Արա Աբրահամյանի Փարիզում կայացած հանդիպման ժամանակ:

Եվրոպայի խորհրդարանը լսեց «Կանաչներ» կուսակցության անդամ, շվեդ պատգամավոր Պեր Գարտոնի պատրաստած Հայաստանին, Ադրբեջանին եւ Վրաստանին վերաբերող զեկույցը, որից հետո ընդունեց «ԵԽ-ի քաղաքականությունը Հարավային Կովկասում» օրինագիծը: Այս կարեւորագույն փաստաթուղթը, որը կանխորոշելու է տարածաշրջանում Եվրախորհրդի գործունեության ռազմավարությունը, նախատեսում է ներգրավել երեք հարավկովկասյան պետություններին «Եվրոպայի ընդլայնում, նոր հարեւաններ» ծրագրում: Դրա վերջնական հաստատման դպեքում Հայաստանը ձեռք կբերի այնպիսի կարգավիճակ, որը թույլ կտա հուսալ ԵՄ-ի անդամակցությանը: Ավելին, ծրագրին մասնակցությունը հնարավորություն կտա օգտվել որոշ իրավունքներից, որոնք այսօր ունեն միայն Եվրամիության լիիրավ անդամները: Սա, մասնավորապես, վերաբերում է մարդկանց, ապրանքների, կապիտալի եւ ծառայությունների տեղափոխման ազատությանը: