Հայ-ռուսական միջկառավարական հանձնախմբի համանախագահ, Ռուսաստանի տրանսպորտի նախարար Իգոր Լեւիտանը մեկնել է Կրասնոդարի երկրամաս` քննարկելու Աբխազիայի տարածքով անցնող երկաթուղու շահագործման եւ Կովկաս-Փոթի նավահանգստի կիրարկման հետ կապված հարցերը: Եթե Հարավային Կովկասի եւ Ռուսաստանի միջեւ ծովային ճանապարհն արդեն իրականություն է, եւ ընդամենն անհրաժեշտ է դրա կիրարկման առավել օպտիմալ մեխանիզմները մշակել, ապա երկաթուղային մայրուղու աբխազական հատվածի վերաշահագործումն ապագայի հարց է: Ամենայն հավանականությամբ` ոչ հեռավոր ապագայի: