ԵԱՀԿ Թուրքիայի նախկին դեսպան Յալիմ Էրալի սենսացիոն հայտարարությունը չհանգեցրեց սկանդալի, քանի որ տարօրինակ հաղորդագրության հերքումը հնչեց անմիջապես: Հիշեցնենք, որ «CNN-Turkey» հեռուստատեսությամբ ելույթ ունենալով` թուրք դիվանագետը հայտարարել էր, որ մայիսի 10-ին Ադրբեջանի եւ Հայաստանի միջեւ ստորագրվելու է ղարաբաղյան հակամարտության կարգավորման վերաբերյալ համաձայնագիր: Դեսպանի տվյալներով, այդ համաձայնագրի հիմքում ընկած պետք է լիներ կարգավորման փուլային տարբերակը: