![]() Հայաստանում մեկնարկել է «Ապագայի ցանցը»Գերարագ ինտերնետ՝ Telecom Armenia-ի և Nokia-ի կողմից Telecom Armenia-ն (ապրանքանիշը` Beeline) Երևանի Դավթաշեն թաղամասում ավարտել է աշխարհի առաջադեմ NGN (Next Generation Network) ցանցի կառուցումը, որը հնարավորություն է տալիս յուրաքանչյուր բաժանորդի տրամադրել 25 Գբ/վ հասանելիություն դեպի համաշխարհային ցանց: ![]() PanARMENIAN.Net - «Ապագայի ցանցը» թաղամասի բնակիչների համար հասանելի է հուլիսի 2-ից, երբ այդ մասին հայտարարեց Telecom Armenia-ի գլխավոր տնօրեն Հայկ Եսայանը Կ․ Դեմիրճյանի անվան մարզահամերգային համալիրում՝ «Ապագայի ցանցի մեկնարկի» ժամանակ: «Այսօր մենք նոր էջ ենք բացում Հայաստանի կապի պատմության մեջ: Դավթաշենից մեկնարկել է ապագայի ցանցի կառուցումը, որը ոչ միայն միակն է տարածաշրջանում, այլ նաև եզակի է աշխարհում և ապահովում է ինտերնետի անգերազանցելի արագություն ու անվտանգություն: Վստահ եմ, որ շուտով այս ցանցի հնարավորությունները լիովին կփոխեն մեր պատկերացումը ինտերնետ ծառայությունների մասին», – նշեց Եսայանը: «Մեր ցանցն այսօր ամբողջությամբ վերազինվում է՝ փոխարինվելով օպտիկա-մանրաթելային նոր ցանցով: Նախկինում Հայաստանում բոլոր օպերատորները օպտիկա-մանրաթելային ցանցը բաշխել են բոլոր բաժանորդների միջև, երբեք չի եղել, որ մեկ բաժանորդը համակցվի մեկ նման կապուղիով», - պատմեց Telecom Armenia-ի գլխավոր տնօրենը: Telecom Armenia-ի տեխնիկական տնօրեն Գևորգ Գևորգյան Ըստ նրա՝ այժմ իրենց բոլոր բաժանորդները կարող են մեկ տեխնոլոգիայով ստանալ տարբեր արագություններ: Եսայանն ընգծեց, որ տարածաշրջանում սա բացառիկ ցանց է լինելու՝ բացառիկ արագությամբ: «Մենք սկսում ենք 25 Գբ/վ թողունակության մեկնարկով: ՀՀ-ում բոլոր օգտատերերի ընդհանուր միաժամանակյա օգտագործումն այժմ կազմում է ընդամենը 500 Գբ/վ, իսկ մենք առաջարկում ենք 25 Գբ/վ մեկ բաժանորդի: Կորպորատիվ փաթեթների դեպքում նախատեսված է մինչև 100 Գբ/վ», - հավելեց Եսայանը: Մեկնարկը տրված է Դավթաշենից, հաջորդը «վերազինվելու է» Արաբկիր թաղամասը, իսկ Երևանի ցանցի արդիականացումից բացի «վերազինում է» տեղի ունենում նաև Քաջարան, Ջերմուկ և Հրազդան քաղաքներում: Նախատեսվում է Երևանը պատել նոր ցանցով մեկ տարվա ընթացքում: Եսայանի խոսքով՝ ներդրումային ծրագիրը բավականին մեծ է՝ գերազանցում է $25 մլն-ը: Telecom Armenia-իկոմերցիոն տնօրեն Կարեն Շաբոյան NGN ցանցը ստորգետնյա հուսալի և անվտանգ ճանապարհով հասնում է մինչև Դավթաշեն վարչական շրջանի յուրաքանչյուր բազմաբնակարան շենք: Թաղամասի բնակարաններում հասանելի է առանձնացված օպտիկական մանրաթելը (dark fiber), որն անմիջապես կկապի բաժանորդի սարքերն ընկերության սերվերների հետ: Իսկ հաճախորդի տանը Wi-Fi-ով նման մեծ արագություն ապահովելու համար Telecom Armenia-ն ընտրել է ոլորտի առաջատար Nokia ընկերության սարքավորումները: «Գերարագ լայնաշերտ ինտերնետը շատ կարևոր է պանդեմիայից հետո Եվրոպայի վերականգնման գործում: Եվ մենք այս հիանալի նախաձեռնության շրջանակում հպարտ ենք լինել Telecom Armenia-ի գլխավոր գործընկերն և երկիրը միավորել գերարագ լայնաշերտ կապով, որը թույլ կտա տարատեսակ նոր ծառայություններ մատուցել, այդ թվում և տրամադրել բարձր մակարդակի բջջային կապ», - նշեց Nokia Fixed Networks ընկերության փոխնախագահ Միկկո Լավանտին: Նրա խոսքով՝ Հայաստանում կլինի ամենաբարձր արագությամբ ինտերնետը տարածաշրջանում, և գուցե սովորական բաժանորդներն անգամ չզգան նման բարձր արագության կարիքը, սակայն այն կօգնի սարքերին ավելի լավ աշխատել իրար հետ և կստեղծի նոր հնարավորություններ տեխնիկական զարգացման համար: Լավանտին նաև կոչ արեց հայ երիտասարդներին օգտվել այս նոր բացվող հնարավորություններից: Nokia-ի 25G-PON լուծումը գործում է աշխարհում նորարական 25GS-PON տեխնոլոգիայի հիման վրա՝ Lightspan սարքերի, 25G/10G օպտիկական քարտերի ու մանրաթելային մոդեմների օգտագործմամբ: Telecom Armenia-ի տեխնիկական տնօրեն Գևորգ Գևորգյանի խոսքով՝ ընկերությունն իր առջև ծառացած մարտահրավերներն ընդունել է՝ գիտակցելով, որ ունի 2 ճանապարհ՝ կամ կրկնօրինակել շուկայում գործող այլ ընկերությունների տեխնոլոգիաները, կամ կառուցել նորը, որը կծառայի 30-ից ավելի տարի: Եվ Telecom Armenia-ն ընտրեց երկրորդ տարբերակը՝ իրագործելով մի անհավանական ծրագիր: «Բաժանորդների մեծ մասը կապի որակից բողոքում է Wi-Fi սարքերի անորակության պատճառով: Օպերատորները մեծամասամբ դա չեն համարում իրենց խնդիրը։ Մենք այդ խնդիրը մեզ վրա ենք վերցնում։ Այն բաժանորդները, որոնք կվստահեն մեզ և կօգտվեն մեր տրամադրած Nokia Beacon սարքավորումներից, այլևս այս խնդիրը չեն ունենա», - նշեց Գևորգյանը: Telecom Armenia-ի Տնօրենների խորհրդի նախագահ և ԱՏՁՄ նախագահ Ալեքսանդր Եսայանն իր հերթին նշեց, որ բաժանորդը կստանա 2 մոդեմ: «Լուծում ենք մի շատ կարևոր խնդիր. երբ շարժվում եք բնակարանում, լինում են տեղեր, որտեղ կապը լավ է աշխատում, լինում են տեղեր, որտեղ՝ վատ: Այս երկու մոդեմով այդ խնդիրը կլուծվի: Եվ դա հասանելի է մեր բոլոր բաժանորդներին», - հավելեց Եսայանը: Միջոցառմանը ներկա գտնվող էկոնոմիկայի նախարարի պաշտոնակատար Վահան Քերոբյանն ընդգծեց նման նախագծի իրականացման կարևորությունը երկրի տնտեսության համար: «Այս ենթակառուցվածքը, որն առաջարկում է Telecom Armenia-ն, հեղափոխական է: Այն հրանավորություն է տալիս, որպեսզի մարդիկ իրենց տնից գրավեն աշխարհը: Ես վստահ եմ, որ այս ծրագիրը մեծ տնտեսական աճի աղբյուր կհանդիսանա և հիմք կդառնա նոր ՏՏ և ոչ ՏՏ ոլորտի ընկերությունների ստեղծման համար», - նշեց Քերոբյանը: Telecom Armenia-իկոմերցիոն տնօրեն Կարեն Շաբոյան Նոր NGN ցանցի հիման վրա Telecom Armenia-ն գործարկում է Cosmo սակագնային փաթեթներ, որոնք ներառում են տան գերարագ ինտերնետ, IPTV և բջջային կապ: Ստանալ տեղեկատվություն նոր փաթեթների և դրանց սակագների մասին կարելի է այստեղ: Յուլիաննա Լալաբեկովա / PanARMENIAN.Net ![]() ![]() Instigate Mobile-ը հանդես է գալիս նոր` zealous բրենդով Ջեյմս Ուեբի աստղադիտարանը Տիեզերքի խորքային ուսումնասիրության ընթացքում խիստ անսովոր օբյեկտներ է գտնում Արագ և անվճար դրամական փոխանցումներ՝ առանց «թաքնված» վճարների Մեծ ադրոնային կոլայդերում սկսել են ռեկորդային էներգիայով մասնիկների բախումները ![]() ![]() ![]() Խաղային ամառ ![]() Վերջին սլոուփոքը ![]() Սոֆթը շատ, երկաթը՝ քիչ ![]() | ![]() ![]() ![]() ![]() |