  «ԶԻՆԱԿԻՑՆԵՐԻ ԸՆՏՐՈւԹՅԱՆ ՀԱՐՑՈւՄ ՎԱՇԻՆԳՏՈՆՆ ԱՌԱՎԵԼ ՊԱՀԱՆՋԿՈՏ ԿԱՐՈՂ ԷՐ ԼԻՆԵԼ»- պնդում են արեւմտյան վերլուծաբանները` զարմացած լինելով հակաիրաքյան կոալիցիայի մեջ Ադրբեջանին ներգրավելու փաստով: Պաշտոնական Բաքուն լիովին աջակցեց Իրաքի դեմ առանց ՄԱԿ-ի թույլտվությամբ ամերիկացիների սկսած ռազմական գործողությունները: Ադրբեջանը դարձավ Վաշինգտոնի կողմից ղեկավարվող կոալիցիայի անդամ 30 պետություններից մեկը: Այսպիսով, կարելի է ասել, որ Ադրբեջանն Իրաքի դեմ պատերազմի մեջ է: Առայժմ միավորման մեջ նրա մասնակցությունը սահմանափակվում է անգլոամերիկյան ռազմական ինքնաթիռներին օդային տարածք տրամադրելով: Բաքվի ԶԼՄ-ների հավաստմամբ, օրեր են լինում, երբ «Բինա» օդակայանում վայրէջք են կատարում 10-ից ավել «Հերկուլես» ինքնաթիռներ:  28 մարտի 2003PanARMENIAN.Net - Ռազմական միության Ադրբեջանի նման երկրների ներգրավումը զարմանք է առաջացնում արեւմտյան երկրների շատ հասարակական գործիչների մոտ: Օրինակ, Վիեննայում գործող Մամուլի միաջազգային ինստիտուտի տնօրեն Յոհան Ֆրիցը վերջերս հանդես է եկել հայտարարությամբ, որում կոչ է արել հրաժարվել համագործակցել ժողովրդավարության չափանիշները ոտնահարող երկրների հետ: «Կոալիցիայի մեջ հայտնված շատ պետությունների կառավարություններ ամեն հնարավոր բան արել են իրենց երկրներում անկախ ԶԼՄ-ները վերացնելու համար»,- պնդում է Ֆրիցը: Այդպիսի երկրների շարքում նա մասնավորապես նշել է Ադրբեջանը, Եթովպիան, Կոլումբիան, Ուսբեկստանը: «Այն դեպքում, երբ Միացյալ նահագները եւ Մեծ Բրիտանիան խոստանում են ժողովրդավարություն հաստատել ետպատերազմյան Իրաքում, բռնապետական պետությունների հետ Վաշինգտոնի եւ Լոնդոնի համագործակցությունն անհանգստություն է առաջացնում»: Միչիգանում հրապարակվող «Մայրուղի» ամսագիրը նույնպես օրերս իր զարմանքն է արտահայտել զինակիցների ընտրության հարցում Միացյալ նահանգների վարչակարգի անհետեւողական լինելու փաստի վերաբերյալ: Ամսագրի մեկնաբանը հարց է առաջադրում. «ի՞նչ դրական հետեւանքներ կարելի է սպասել ժողովրդավարական չափանիշներով Իրաքից ոչնչով չտարբերվող պետությունների հետ համագործակցելուց»: «Հենց պետդեպարտամենտը չի երաշխավորում Ամերիկայի քաղաքացիներին այցելել զինակիցների ցուցակում ընդգրկված 7 պետություններ, քանի որ վերջիններս այնտեղ կարող են սպանվել կամ գողացվել»,- գրում է «Մայրուղին»: «Հնարավոր է արդյո՞ք իրական օգնություն ակնկալել այնպիսի երկրներից, ինչպիսիք են Պանաման, Կոստա-Ռիկան, Սալվադորը եւ Ադրբեջանը»,- հարցնում է լրագրողը: Նախկինում եւս ամերիկյան վերլուծաբանները կասկած էին հայտնել «գործընկերների թեկնածուներին» Սպիտակ տան կողմից տրվող չափանիշների օբյեկտիվության առնչությամբ: Հունվարին պետդեպարտամենտը հրապարակել էր անկախ փորձագետների խմբի զեկույցը, որտեղ քննված էր զարգացող երկրների` Վաշինգտոնին տրամադրած օգնության համապատասխանության հարցերը Միացյալ նահանգների շահերին: Զեկույցի հեղինակներն Ադրբեջանը դասել էին այն երկրների շարքին, որտեղ ոտնահարվում են ժողովրդավարական սկզբունքները, եւ որոնք օգտագործում են ամերիկյան օգնությունը բռնապետական կարգն ամրապնդելու համար: Ուսումնասիրողների եզրակացությունը միանշանակ է` Ադրբեջանի, Կամբոջայի, Կամերոնի, Եգիպտոսի, Հաիթիի, Քենիայի եւ Մարոկոյի հետ Միացյալ նահանգների համագործակցությունը կարող է հակասել Ամերիկայի շահերին եւ ազգային անվտանգությանը: Համաձայն պետդեպարտամենտի փորձագետների, թվարկված պետություններն ունեն «կեղծ ժողովրդավարական վարչակարգեր» եւ առանձնանում են քաղաքացիական ազատության մակարդակի ամենացածր ցուցանիշներով: Ինչ վերաբերում է կոնկրետ Ադրբեջանին, ապա զեկույցում ասվում է, որ այդ պետության իշխանությունը «դժվարությամբ է համակերպվում բազմակուսակցական ընտրությունների, մի փոքր անգամ այլակարծության կամ ազատության հետ»: Նրանց գնահատականներով, «այստեղ խորհրդարանը գոյություն ունի միայն շղարշելու համար բռնապետական վարչակարգը եւ ծառայում է որպես միջոց միջազգային հանրության աջակցությունը ստանալու համար»: Վաշինգտոնի կողմից հակաիրաքյան կոալիցիայում ներգրավված շատ պետությունների վարչակարգերն ամենեւին չեն տարբերվում Սադդամի վարչակարգից: «Ասա ով է ընկերդ, ասեմ` ով ես դու» հայտնի ասացվածքը տվյալ դեպքում ամերիկացիներին լավագույնս չի բնութագրում:  Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով    Ուշադրության կենտրոնում Բաժնի այլ նյութերը«Խաղի» մեջ վերադառնալու ցանկությամբ  ՌԴ-ն փորձում է չմարգինալացվել ՀՀ-Ադրբեջան բանակցային գործընթացումԴրագոմանների ժամանակը Դեպի արդիականացված արտաքին քաղաքականությունԲարձր պաշտոնից՝ մեղավորի աթոռին 2018-ի «մեղադրյալները» |  Այլ հոդվածներ Վերջին լուրեր Իսրայելը հայտարարել է՝ Պաղեստինի ճանաչումը ՀՀ կողմից լուրջ հետևանքներ կունենա Նշվել է, որ դա բացասաբար կանդրադառնա Իսրայելի հետ հարաբերությունների վրաՍպորտային, էլեկտրական ու Porsche-ի գենետիկ կոդերով. Porsche Yerevan-ը ներկայացրել է Taycan-ի նոր սերունդը Ընթացքի ավելի մեծ պաշար և ավելի արագ լիցքավորում. Taycan-ի առաջին սերնդի վերափոխումըԱՄՆ Պետդեպ․ Ուկրաինայի ապագան ՆԱՏՕ-ում է Նշվել է, որ ԱՄՆ–ն կշարունակի աշխատել ՆԱՏՕ-ի դաշնակիցների հետԱԳ փոխնախարար․ Շարունակում ենք հնարավոր քայլերն անել ԼՂ–ից բռնի տեղահանվածներին աջակցելու համար Նա իր ելույթում նշել է, որ Հայաստանն անկախությունից ի վեր բազմիցս բախվել է փախստականների խնդրին |
