Ամերիկայի Հայ Դատի հանձնախմբի նպատակն է վերջ դնել Վաշինգթոնի` Թուրքիային աջակցելու քաղաքականությանը Հայոց ցեղասպանության ժխտման հարցում

Չնայած, որ դժվար է համեմատել, որքանով է ազգերից ինչ-որ մեկի լոբբին ուժեղ մյուսից, քանի որ դրանք տարբեր հարցերի շուրջ են աշխատանք տանում, լրիվ պարզ է, որ ԱՄՆ հայկական լոբբին ուժեղ է եւ համոզված է, որ հայ ժողովուրդը, թե' իր հայրենիքում եւ թե' դրա սահմաններից դուրս իր ճակատագրի տերն է: Բերեմ տարբեր բնագավառներում մեր հաջողությունների օրինակներ:

Մենք բացել ենք Հայաստան-Կալիֆորնիա առաջին առեւտրային գրասենյակը, որ աջակցելու է երկկողմանի առեւտրի զարգացմանը եւ նոր աշխատանքային տեղերի ստեղծմանը Հայաստանում եւ ԱՄՆ-ում:

Վերջին երկու տարիների ընթացքում, հայ-ամերիկյան առեւտրային հարաբերությունների զարգացմանը ուղղված մեր ջանքերի շնորհիվ, հայկական արտադրության արտահանումը ԱՄՆ աճել է` 37.6 մլն. դոլարից(2003թ.) հասնելով 45.8 դոլարի(2005թ.):

ԱՀԴՀ ավելի քան 50 կազմակերություն հիմնականում բացվել են ոչ ավանդական նահանգներում. Նեւադա, Արիզոնա, Ֆլորիդա եւ Տեխաս:

Ավելացել է Հայաստանին եւ Ղարաբաղին տրվող ֆինանսական օգնությունը` սկսած 1991 թվականից, կազմել է 1.6 մլրդ. դոլար:Բացի այդ նշեմ Հայաստանի տրվող 235 մլն. դոլարը «Հազարմյակի մարտահրավերներ» ծրագրի շրջանակներում:

Նաեւ ԱՄՆ-ի կոնգրեսում եւ ԶԼՄ-ներում աճել է դիմակայությունը Թուրքիայի կողմից Հայոց ցեղասպանության ժխտման նկատմամբ: Օրինակ, անցյալ տարվա ընթացքում Հայոց ցեղասպանության վերաբերյալ բանաձեւը 40 կողմ եւ 7 դեմ ձայնով ընդունվեց Կոնգրեսի կոմիտեի կողմից: 2000 թվականին Բանաձեւի օգտին քվեարկել էր 24, դեմ 11 հոգի: Բացի այդ, ԱՄՆ 50 նահանգներից 38-ը ճանաչել են Հայոց ցեղասպանությունը:

Ամերիկայի Հայ Դատի հանձնախմբի նպատակը այս տարվա ապրիլին, ինչպես եւ միշտ, վերջ դնել Վաշինգթոնի` Թուրքիային աջակցելու քաղաքականությանը Հայոց ցեղասպանության ժխտման հարցում, ազդել Անկարայի վրա, որպեսզի վերջինս ընդունի իր պատասխանատվությունը այդ ոճրագործության համար, ինչպես նաեւ աջակցել Հայոց հարցով բանաձեւի ընդունմանը:

Ինչ վերաբերում է Հայոց ցեղասպանության 91-րդ տարելիցին նվիրված միջոցառումներին,ապա, ինչպես եւ վերջին տարիներին, ԱՀԴՀ-ն պատրաստվում է համապատասխան միջոցառումներ անցկացնել Կոնգրեսում, ինչպես նաեւ Ամերիկայի հայկական համայնքում: Այդ միջոցառումները կաջակցեն Հայոց ցեղասպանության բանաձեւի ընդունմանը, ինչպես նաեւ ջանքերին, ուղղված նրան, որ ԱՄՆ նախագահ Ջորջ Բուշը ապրիլի 24-ի իր ամենամյա ելույթի ժամանակ ճանաչի Հայոց ցեղասպանությունը:

Իհարկե, մենք անհանգստացած ենք Հայաստանում ԱՄՆ դեսպան Ջոն Էվանսի արած հայտարարության շուրջ առաջացած իրադրության կապակցությամբ եւ կտրականապես դեմ ենք հանդես գալիս Հայոց ցեղասպանության մասին արված հայտարարաության պատճառով նրան հետ կանչելուն: Մենք նաեւ անհանգստացածենք այն փաստով, որ PBS հեռուստաընկերությունը ապրլին եթեր է տրամադրելու Ցեղասպանությունը ժխտող անձանց: Մենք հակազդելու ենք այդ ամենին բոլոր հնարավոր մակարդակներում:

Արդեն ավելի քան երեք ամիս է պաշտոնական Վաշինգթոնը ոչ մի բառ անգամ չի ասում Նախիջեւանի Հին Ջուղայի հայկական հուշարձանների պարբերական ոչնչացման մասին: Հայաստան իր վերջի այցի ժամանակ ԱՄՆ Պետդեպարտամենտի ներկայացուցիչը, այդ իրադարձություններին վերաբերող հարցերին պատասխանելիս, դատապարտեց հայկական խաչքարերի ոչնչացումը, բայց ոչ ավելին: Դա, իհարկե, հակադրվում է ԱՄՆ բարձրաձայն դատապարտություններին` թալիբների կողմից Բուդայի արձանի ոչնչրացման կապակցությամբ 2001 թվականին:

Մենք ակտիվ աշխատանք ենք տանում ԱՄՆ Ներկայացուցչական պալատում եւ Սենատում, որպեսզի պարիտետը վերականգնվի, քանի որ պարիտետի խախտումը Ադրբեջանի օգտին, կբերի նրան, որ Բաքուն կշարունակի սպառնալ Հայաստանի եւ Լեռնային Ղարաբաղի անվտանգությանը: