ԿՐԱԿՈՎՈՒՄ ԿԲԱՑՎԻ ՀԱՅՈՑ ՑԵՂԱՍՊԱՆՈՒԹՅԱՆ ԶՈՀԵՐԻ ՀՈՒՇԱՐՁԱՆ

PanARMENIAN.Net - Լեհաստանի Կրակով քաղաքում կբացվի հուշարձան-խաչքար` ի հիշատակ Հայոց ցեղասպանության զոհերի: Ինչպես տեղեկացնում է «Արմինֆո» գործակալությունը` վկայակոչելով լեհական մամուլը, Լեհաստանում Թուրքիայի դեսպանությունը դեմ է հանդես եկել, որ հուշարձանի վրա նշվի «ցեղասպանություն» բառը: Ի պատասխան` Կրակովի վանքի վարդապետ Թադեուշ Իսահակյան-Զալեսկին Թուրքիայի դեսպանին ուղարկել է բաց նամակ, որտեղ նա խնդրում է դադարեցնել տվյալ հարցին խառնվելու փորձերը: «Իրեն հարգող ոչ մի պատմաբան չի կարող չհաստատել, որ 1915 թվականի Հայոց ցեղասպանությունը պատմական փաստ է, եւ վիճաբանություններն այն մասին, թե գրել կամ չգրել «ցեղասպանություն» բառը` անիմաստ է»,- նշված է նամակում: Հուշարձանի հանդիսավոր բացումը կկայանա ապրիլի 17-ին` Կրակովի հայ համայքնի եւ Լեհաստանում հայ եկեղեցական թեմի աջակցությամբ:
 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին