 2011թ. ավարտին ՎՏԲ Հայաստան բանկի մանրածախ բիզնեսի վարկային պորտֆելը կազմել է 58 մլրդ դրամ 20 ապրիլի 2012 - 15:41 AMT PanARMENIAN.Net - Մանրածախ բիզնեսի վարկային պորտֆելով «ՎՏԲ Հայաստան բանկ» ՓԲԸ-ն 2011-ի տվյալներով Հայաստանի բանկային համակարգում դուրս է եկել երկրորդ տեղը 12,6 տոկոս բաժնով, ապրիլի 20-ին Երևանում մամլո ասուլիսում հայտարարել է «ՎՏԲ Հայաստան բանկի» գլխավոր տնօրեն-տնօրինության նախագահի պաշտոնակատար Յուրի Գուսևը: Նրա խոսքով, բանկը ՎՏԲ24 Բանկի հետ համատեղ 2010-2011թթ. ընթացքում անցկացնում է մանրածախ բանկային ծառայությունների վերագործարկման նախագիծ: «Վարկային պորտֆելի աճը վերջին 2 տարում կազմել է 120 տոկոս, միաժամանակ 2011-ին վարկային պորտֆելի աճի տեմպը կազմել է 44 տոկոս»,- ասել է նա: Դրա հետ կապված բանկիրը հավելել է, որ 2011-ի ավարտին ՎՏԲ Հայաստան բանկի մանրածախ բիզնեսի վարկային պորտֆելի ծավալը կազմել է 58 մլրդ դրամ: Միաժամանակ, նրա խոսքով, փոխվել է մանրածախ բիզնեսի վարկային պորտֆելի կառուցվածքը պրոդուկտների լայն տեսականի տրամադրելու հաշվին: Ինչպես հաղորդել է Գուսևը, 50 մլրդ դրամ դեպոզիտային պորտֆելով բանկը 2011-ի տվյալներով զբաղեցրել է 5-րդ տեղը՝ ապահովելով 25 տոկոս աճ: Բանկի հպարտությունը նրա քարտային բիզնեսն է, որտեղ 2 տարվա ընթացքում աճը կազմել է 140 տոկոս, քարտերի ընթացիկ պորտֆելը գերազանցել է 150 000 հատը՝ 2011-ի ընթացքում ապահովելով 38 տոկոս աճ: Ամփոփելով բանկի գործունեության արդյունքները 2011-ի ընթացքում, Գուսևը նշել է, որ բանկը Հայաստանում մանրածախ բիզնեսի զարգացման դինամիկայով առաջատար է, բանկը նման պլաններ ունի նաև 2012-ին:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր ԿԳՄՍ նախարարը Գերմանիայում հայագիտական հարցեր է քննարկել․ Նարեկացին գերմաներեն կթարգմանվի  Ներկայացվել են Հայաստան-Գերմանիա նոր նախաձեռնությունները և ծրագրերըՊաղեստինի ազատագրման կազմակերպությունը ողջունել է ՀՀ կողմից Պաղեստինի ճանաչումը և շնորհակալություն հայտնել «Շնորհակալություն, բարեկամ Հայաստան»,–գրել է նաԹուրքիայի ԱԳՆ․ Մեզ ուրախացնում է Պաղեստինի ճանաչումը Հայաստանի կողմից Հայտարարության մեջ ասվում է, որ Պաղեստինի ճանաչումը միջազգային իրավունքի պահանջ էԴիմակներով ոստիկանները մտել են Արցախի ներկայացուցչություն և առգրավել Շահրամանյանի ծառայողական մեքենան Մեքենան տարվել է հատուկ պահպանվող տարածք՝ նախաքննական գործի շրջանակներում |
