ՀՀ ԶՈՒ ԳԼԽԱՎՈՐ ՇՏԱԲԻ ՊԵՏ. ԵԹԵ ԲԱՔՈՒՆ ՊԱՏԵՐԱԶՄ ՍԿՍԻ, ՏԱՆՈՒԼ ԿՏԱ ԱՅՆ10 մայիսի 2005 - 11:34 AMT PanARMENIAN.Net - Լարվածությունը ադրբեջանական եւ հայկական ուժերի շփման գծում պահպանվում է: Ինչպես լրագրողների հետ զրույցում հայտարարել է Հայաստանի ԶՈՒ Գլխավոր շտաբի պետ, գեներալ-գնդապետ Միքայել Հարությունյանը, լարվածության պատճառը Ադրբեջանի ղեկավարության ագրեսիվ հայտարարություններն են: Միեւնույն ժամանակ, նրա խոսքերով, կրտուկ փոփոխություններ շփման գծում չկան: «Կա փոխհրաձգություն, մեր կողմից եղել են մի քանի սպանվածներ եւ վիրավորներ: Սակայն ոչ այն քանակությամբ, որ նշում է ադրբեջանական կողմը, այլ մի տասը անգամ պակաս»,-ընդգծել է գեներալ Հարությունյանը` ավելացնելով ընդ որում, որ «ադրբեջանական կողմից կան բազմաթիվ զոհվածներ, ինչի մասին հայկական կողմը կոնկրետ տվյալներ ունի»: Հայ գեներալը խորհուրդ է տվել Ադրբեջանի ղեկավարությանը ձեռնպահ մնալ ռազմատենչ հայտարարություններից, քանի որ դրանք ավտոմատ կերպով փոխանցվում են առաջին գծի սպայական կազմին եւ զինվորներին, ինչն էլ լարվածություն է ստեղծում: «Արդյունքում նրանք ինքներն են ստանում բազմաթիվ դիակներ, եւ ոչ միայն փոխհրաձգության արդյունքում: Գրանցված են ադրբեջանական զորքերում զինվորների ծեծի, զանգվածային դասալքության դեպքեր»,- տեղեկացրել է նա: «Ես խորհուրդ եմ տալիս հանգստանալ, որպեսզի առաջին գծում նույնպես հանգստություն տիրի, դա թույլ կտա լուծել խնդիրը խաղաղ ճանապարհով»,-ընդգծել է Միքայել Հարությունյանը: «Հայկական զինված ուժերը պատրաստ են այն խնդիրների կատարմանը, որոնք դրված են նրանց առջեւ: Ես համոզված եմ, որ եթե Բաքուն պատերազմ սկսի, ապա տանուլ կտա այն: Ես միշտ ասել եմ եւ կասեմ, եւ դա ինքնագոհություն չէ` մենք հիանալի տեղեկացված ենք ադրբեջանական ԶՈՒ մարտական պատրաստվածության մասին եւ համոզված ենք, որ պատերազմ սկսելով, նրանք ոչ միայն տանուլ կտան այն, այլ նաեւ շատ հողեր եւ մարդիկ կկորցնեն»,-ամփոփել է Հայաստանի ԶՈՒ Գլխավոր շտաբի պետը, հաղորդում է «Ռեգնում» գործակալությունը: Ուշագրավ
«Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս Ամենաընթերցվողը բաժնում | Սաուդյան Արաբիան, Եգիպտոսը, Քուվեյթը և արաբական այլ երկրներ ողջունել են ՀՀ կողմից Պաղեստինի ճանաչումը Հայաստանի որոշումը ողջունել են նաև Օմանի Սուլթանությունը, Պաղեստինի ԱԳՆ-ն, Հորդանանը Երևանում անօրինական գովազդային թռուցիկներ փակցնողները կտուգանվեն Տուգանքը կիրառվում նվազագույն աշխատավարձի մինչև 100-ապատիկի չափով Էգոյանը կլինի «Ոսկե ծիրանի» կարճամետրաժ ֆիլմերի ժյուրիի նախագահը Փառատոնի բացման ֆիլմը կլինի նրա «Յոթ քողը» Իսրայելը հայտարարել է՝ Պաղեստինի ճանաչումը ՀՀ կողմից լուրջ հետևանքներ կունենա Նշվել է, որ դա բացասաբար կանդրադառնա Իսրայելի հետ հարաբերությունների վրա |