Անտոնիա Արսլանի «Մշո ճառընտիրի» մասին պատմող վեպը` «Non fiction» տոնավաճառում![]() 3 դեկտեմբերի 2012 - 12:12 AMT PanARMENIAN.Net - Նոյեմբերի 30-ին Ինտելեկտուալ գրականության «Non fiction» մոսկովյան միջազգային տոնավաճառի շրջանակում Մոսկվայի նկարչի կենտրոնական տանը տեղի ունեցավ հայկական ծագումով իտալացի գրող, «Արտույտների ագարակը» վեպի հեղինակ Անտոնիա Արսլանի «Մշո գիրքը» վեպի շնորհանդեսը: Այն պատմում է Ցեղասպանության ժամանակ հայկական հին ձեռագրի փրկության մասին: «Մշո ճառընտիրի» փրկության մասին պատմող գրքի ռուսերեն հրատարակությունը իրականացել է «Ռուս-հայկական համագործակցություն» կազմակերպության և Մոսկվայում Իտալական մշակույթի ինստիտուտի համատեղ ջանքերով: Գրքի շնորհանդեսը մեծ հետաքրքրություն էր առաջացրել «Non fiction» մոսկովյան միջազգային տոնավաճառի մասնակիցների մոտ: Անտոնիա Արսլանի այս վեպի հինգ հերոսներից երեքը զոհվում են` փրկելով քսանութ կիլոգրամ քաշով հին ձեռագրիր «Մշո ճառընտիրը»: Նրանցից մեկը, Գոհարը, ճանապարհի վերջում մահանալով, խնդրում է, որ ձեռագրի այն մասը, որը ինքն է տանում, ժամանակավորապես թաղեն իր հետ միասին: Մի քանի տարի անց ձեռագրի երկու մասերը վերամիավորվում են: Այն ներկայումս պահվում է Մատենադարանում` իր հետ միասին պահպանելով ժողովրդի հիշողությունը ազգային սրբությունը փրկած Մշո հերոսական հայուհիների մասին: Ցավոք, Անտոնիա Արսլանը չէր կարողացել ներկա լինել Մոսկվայում իր գրքի շնորհանդեսին: Ռուսաստանյան ընթերցողների հետ նրա հանդիպումը նախատեսվում է հաջորդ տարի ապրիլին: ![]() ![]() Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ ![]() ![]() ![]() | ![]() ![]() ![]() ![]() ![]() ![]() ![]() ![]() |