Սերժ Սարգսյանը և Վլ. Յակունինը քննարկել են հայկական երկաթուղու զարգացման հեռանկարներին վերաբերող հարցեր 29 մայիսի 2013 - 10:09 AMT PanARMENIAN.Net - Նախագահ Սերժ Սարգսյանն ընդունել է հայկական երկաթուղու հավատարմագրային կառավարումն ստանձնած «Ռուսական երկաթուղիներ» ԲԲԸ նախագահ, «Հարավկովկասյան երկաթուղի» ՓԲԸ տնօրենների խորհրդի նախագահ Վլադիմիր Յակունինին: Սերժ Սարգսյանը նշել է, որ Հայաստանն առաջնային նշանակություն է տալիս հայ-ռուսական դաշնակցային գործընկերության հետևողական ամրապնդմանն ու զարգացմանը, որի կարևոր բաղադրիչներից է համագործակցությունը տրանսպորտի բնագավառում: Այդ համատեքստում է, ըստ Հանրապետության ղեկավարի, դիտարկվում նաև «Ռուսական երկաթուղիներ» ընկերության հետ փոխգործակցությունը: Նախագահը շնորհակալություն է հայտնել Վլ. Յակունինին կառուցողական և արդյունավետ աշխատանքի համար, ընդգծել նրա անձնական ներդրումը Հայաստանում տրանսպորտային ենթակառուցվածքի զարգացման գործում: Ինչպես հայտնում են նախագահի գրասենյակի հասարակայնության հետ կապերի և լրատվության վարչությունից, Վլ. Յակունինը հանդիպման սկզբում շնորհավորել է Սերժ Սարգսյանին՝ Հանրապետության տոնի առթիվ, մաղթել հաջողություններ: Հայկական երկաթուղու հավատարմագրային կառավարումն ստանձնած ընկերության նախագահը Հանրապետության ղեկավարին ներկայացրել է հայկական երկաթուղու արդիականացման, տեխնիկական վերազինման ուղղությամբ իրականացված և ընթացիկ աշխատանքները, նշել, որ այսօր ՀՀ վարչապետի և պաշտոնատար այլ անձանց հետ միասին Գյումրիում բացել են վագոնային վերանորոգման և լոկոմոտիվային դեպոները, որոնց շնորհիվ, նրա խոսքով, նաև նոր աշխատատեղեր են բացվել այդ տարածաշրջանում: Նախագահ Սերժ Սարգսյանը և Վլ. Յակունինը քննարկել են հայկական երկաթուղու ներկայիս վիճակին, զարգացման հեռանկարներին, կոնցեսիոն պայմանագրով «Ռուսական երկաթուղիներ»-ի ստանձնած պարտավորությունների կատարման ընթացքին վերաբերող հարցեր:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Հանցավոր խումբը խարդախությամբ հափշտակել է միայնակ և անժառանգ անձանց բնակարանները. 7 կալանավորված կա  Հափշտակությունների հետևանքով քաղաքացիներին պատճառվել է ընդհանուր 52,162,500 դրամի վնասACHA-ի խորհրդի նիստում բարձրաձայնվել է հայկական մշակութային ժառանգության պահպանության խնդիրը Վանյանը նաև անդրադարձ է կատարել հայ-չինական հազարամյա պատմամշակութային առնչություններինՓորձագետ․ Բոլոր քաղաքացիներին ՆԳՆ-ում նստած հետևելու են, իսկ ո՞վ է վերահսկելու վերահսկողներին «Որտե՞ղ են հստակ երաշխիքները, որ պետությունը չի օգտագործելու, օրինակ, քաղաքական դրդապատճառներից ելնելով»,–ասել է նաՄիրզոյան․ Պատրաստ ենք 1 ամսում ամբողջացնել խաղաղության պայմանագրի նախագիծը, Բաքուն նոր օրակարգեր է առաջ բերում Միրզոյանը կարևոր է համարել Ադրբեջանի հետ մեկնարկած սահմանազատման գործընթացի շարունակականությունը |
