Վրաստանի ղեկավարությանը ձեռնատու է հայի` որպես ուրացողի, դավաճանի եւ անջատողականի կերպարը17 մայիսի 2006 - 15:29 AMT PanARMENIAN.Net - Վրաստանի ներկայիս ղեկավարությանը ձեռնատու է հայի` որպես ուրացողի, դավաճանի եւ անջատողականի կերպարը: Այդ մասին PanARMENIAN.Net ի թղթակցի հետ զրույցում հայտարարել է Թբիլիսիի Հայերի միության նախագահ Միխաիլ Թադեվոսովը: Նրա խոսքերով, վրացական իշխանությունների ոչ կառուցողական քաղաքակնությունը կարող է հանգեցնել ազգամիջյան լարվածության հերթական բռնկման: «Վրաստանի հայ համայնքի բոլոր ջանքերն, ուղղված այդ կարծրատիպի փոփոխմանը, բախվում են անհասկացողության խուլ պատին»,-նշել է Թադեվոսովը: Թբիլիսիի Հայերի միության նախագահը համարում է, որ վրացական ղեկավարությունը ներկայումս գնում է պատմությունը «արտագրելու» ուղղությամբ, ինչն ապագայում կարող է բացասաբար անդրադառնալ երկու երկրների միջեւ հարաբերությունների վրա: «Ներկայումս Թբիլիսիում մնացել է 3 հայկական դպրոց, սակայն տնօրեններ են նշանակվել վրացիներ: Ես արդեն չեմ խոսում հայկական եկեղեցիները վրացական հայտարարելու մասին եւ Վրաստանի տարածքում, հատկապես Ջավախքում հայ բնակչության բնիկ լինելը վիճարկելու մասին»,-ընդգծել է նա: Մ.Թադեվոսովը գտնում է, որ Ջավախքի խնդիրը կարելի է լուծել մեկ գիտաժողովի միջոցով: «Միայն թե դա պետք է լինի իրապես գիտական կոնֆերանս, որին երկու կողմերը ներկայացված կլինեն պատմաբաններով, ազգագրագետներով եւ փորձագետներով, որոնք անկանխակալ կմոտենան այս հարցին: Հակառակ դեպքում, Ջավախքի խնդիրն երբեք չի լուծվի»,-նշել է նա: Նշենք, որ Թբիլիսիի Սայաթ Նովայի անվան թիվ 98 ռուսական միջնակարգ դպրոցի տնօրեն Միխաիլ Թադեվոսովը անցյալ տարվա դեկտեմբերի 7-ին ձերբակալվել էր եւ պահվում էր քաղաքային բանտի քննչական մեկուսարանում «հասարակական կարգի խախտման եւ իշխանություններին չենթարկվելու» համար: Ապրիլի 12-ին Թբիլիսիի քաղաքային դատարանը որոշեց կարճել դատական գործը եւ Թադեվոսովն ազատ արձակվեց: Ուշագրավ
«Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս Ամենաընթերցվողը բաժնում | Ավինյան․ Նորագյուղի ամբողջական վերակառուցման շրջանակում անդրադառնալու ենք նաև Երևանյան լճին Նա հույս է հայտնել, որ «շատ հետաքրքիր միջավայր ենք ստանալու Երևանյան լճի հարակից տարածքում ARARAT-ն ու «Ոսկե ծիրանը» ARARAT թանգարանում հատուկ ցուցադրություն են բացել Գորգերի ցուցադրությունն ARARAT թանգարանում բաց կլինի մինչև օգոստոսի 1-ը, մուտքն ազատ է ՀՀ-ում տարեկան մոտ 3000 կենցաղային այրվածքի դեպք է գրանցվում Մեծ մասը երեխաներ են, որոնց 95%-ի պատճառը կենցաղային այրվածքն է Վենետիկում կայացել է հերթական Fastex Meetup-ը Ֆաստեքսի հանդիպումները շարունակական են |