Շվեյցարիան հանդես է գալիս ղարաբաղյան հակամարտության խաղաղ կարգավորման օգտին12 հունիսի 2006 - 14:28 AMT PanARMENIAN.Net - Շվեյցարիայի ԱԳՆ ղեկավարը հանդես է գալիս ղարաբաղյան հակամարտության խաղաղ կարգավորման օգտին: Այդ մասին Երեւանում կայացած մամլո ասուլիսի ժամանակ հայտարարել է Շվեյցարիայի արտգործնախարար Միշըլին Կալմի Ռեյը: Նրա խոսքերով, խաղաղության հաստատումը Հայաստանի եւ Ադրբեջանի միջեւ կհանգեցնի տարածաշրջանի կայունացմանը եւ հայ-թուրքական հարաբերությունների նորմալացմանը: Ինչ վերաբերում է Հայկական հարցին, ապա Միշըլին Կալմի Ռեյն ընդգծել է, որ Շվեյցարիայում Հայոց ցեղասպանությունը ճանաչվել է տարբեր մակարդակներում, սկսած պետականից եւ վերջացրած կանտոնային եւ մունիցիպալ մարմիններով: «Շվեյցարիան ճանաչում եւ դատապարտում է Հայոց ցեղասպանությունը: Մենք պատրաստ ենք աջակցել հարաբերությունների կարգավորմանն ուղղված ցանկացած երկխոսության Հայաստանի եւ Թուրքիայի միջեւ, սակայն, ավաղ, առայժմ ապարդյուն»,-ասել է նա: Շվեյցարիայի ԱԳՆ ղեկավարը հիշեցրել է նաեւ, որ իր երկրի օրենսդրության մեջ կա հոդված, ըստ որի Հայոց ցեղասպանությունը ժխտող եւ ռասայական ու ազգային անհանդուրժողություն քարոզող անձանց համար քրեական պատիժ է սահմանված: ![]() ![]()
«Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս ![]() ![]() ![]() | ![]() ![]() ![]() ![]() ![]() ![]() ![]() ![]() |