 Մոսկվան վերահաստատում է դիրքորոշումը. Մեդվեդևի ուղերձը Ցեղասպանության 100-րդ տարելիցի կապակցությամբ 29 ապրիլի 2015 - 10:10 AMT PanARMENIAN.Net - ՌԴ Կառավարության ղեկավար Դմիտրի Մեդվեդևը Հայոց ցեղասպանության 100-ամյա տարելիցի կապակցությամբ ցավակցական ուղերձ է հղել Հայաստանի իր պաշտոնակցին և հայ ժողովրդին, հայտնում է Panorama.am-ը:Ուղերձում մասնավորապես ասված է. «Հարգելի Հովիկ Արգամի Այս օրերին մենք հարգում ենք պատմության մեջ ամենադրամատիկ իրադարձություններից մեկի` Հայոց ցեղասպանության զոհերի հիշատակը: Սգում ենք 100 տարի առաջ Օսմանյան կայսրությունում զանգվածային բռնաճնշումների հետևանքով զոհվածների համար: Քաղաքակրթության և մարդկության դեմ հանցագործությունները չունեն և չեն կարող ունենալ արդարացում: Յուրաքանչյուրի պարտքն է խնամքով պահպանել այս ահասարսուռ ողբերգության վերաբերյալ ճշմարտությունը և անել ամեն ինչ որ անցյալի սարսափները երբևէ և ոչ մի տեղ չկրկնվեն: Այս պատմական դասերի անանց արժեքը հերթական անգամ ընդգծեցին վերջերս Երևանում տեղի ունեցած սգո արարողությունները: Ռուսաստանի դաշնության կառավարության և իմ անունից կարեկցանք և ցվակցություն ենք փոխանցում Ձեզ և եղբայրական Հայաստանի քաղաքացիներին: Մենք կիսում ենք ձեր վիշտն ու ցավը: Հավերժ հիշատակ զոհերին: Թող ապագա սերունդները մշտապես ապրեն խաղաղության և համերաշխության մեջ: Հարգանքով Դմիտրի Մեդվեդև»: Հատկանշական է, որ Մոսկվայի նոր ցավակցությունները հնչեցին Հայոց ցեղասպանության 100-րդ տարելիցի կապակցությամբ Երևանում կայացած արարողություններին Վլադիմիր Պուտինի մասնակցությանը Անկարայի նյարդային արձագանքից հետո: Մասնավորապես, Թուրքիայի ԱԳՆ-ն հայտարարել էր, թե «Ռուսաստանը ինքը պետք է լավ իմանա, թե ինչէ «ցեղասպանությունն» ու ինչ իրավական ասպեկտներ ունի», իսկ Էրդողանը հայտարարեց, թե Պուտինի այդ քայլը վշտացրել է իրեն, և որ Մոսկվան ինքը «պետք է պատասխան տա իր անցյալի, Ղրիմի համար»:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
