Իրանում շարունակվում է շախմատի «Խազարի գավաթ 2016» միջազգային մրցաշարը:

Հայաստանի ներկայացուցիչներից գրոսմայստեր Կարեն Գրիգորյանը 5 տուրից հետո կորցրել է ընդամենը մեկ միավոր և ուժեղագույնների մրցաշարում ընթանում է մրցաշարային աղյուսակի 4-րդ տեղում: Գրոսմայստեր Հովհաննես Գաբուզյանը 3,5 միավորով զբաղեցնում է ութերորդ հորիզոնականը, գրում է Aravot.am-ը:

Խազարի գավաթի «A» խմբում հայտավորված է 14 երկրի 77 շախմատիստ:

Կարեն Հակոբի Գրիգորյանը ծնվել է 1995-ի փետրվարի 25, Երևանում: Հայ շախմատիստ, գրոսմայստեր է (2013):

Հայաստանի 2015-ի չեմպիոն, ՀՀ հավաքականի կազմում Եվրոպայի թիմային առաջնության փոխչեմպիոն (2015)։

Մի քանի անգամ Հայաստանը ներկայացրել է տարբեր տարիքային խմբերի աշխարհի ու Եվրոպայի պատանեկան առաջնություններում։ Եվրոպայի պատանեկան առաջնությունների եռակի մրցանակակիր է.

-արծաթե մեդալ` 2010, Բաթում, Վրաստան, մինչև 16 տարեկաններ

-բրոնզե մեդալ` 2007, Շիբենիկ, Խորվաթիա, մինչև 12 տարեկաններ -բրոնզե մեդալ` 2008, Հերցեգ Նովի, Չեռնոգորիա, մինչև 14 տարեկաններ

Մինչև 16 տարեկանների օլիմպիադաների քառակի մեդալակիր է.

-թիմային և անհատական (1-ին խաղատախտակ) ոսկե մեդալներ` 2010

-թիմային արծաթե և անհատական (1-ին խաղատախտակ) ոսկե մեդալներ` 2011

-2014-ին Լեհաստանի Կատովիցե քաղաքում դարձել է ուսանողների աշխարհի փոխչեմպիոն։

2015-ի նոյեմբերին հասել է իր անհատական վարկանիշի գագաթնակետին` 2616։