Կիսելյով. Հայերը պիտի ռուսերեն սովորեն, իսկ Բաքվին զինելը Երևանին է ձեռնտու 7 մարտի 2017 - 13:04 AMT PanARMENIAN.Net - Ռուսերենին ազատ տիրապետելը կենսական նշանակություն ունի Հայաստանի համար: Այսպիսի կարծիք է հայտնել «Ռուսաստանն այսօր» գործակալության գլխավոր տնօրեն Դմիտրի Կիսելյովը Երևանում կայացած մամուլի ասուլիսում: Նա ասել է, թե իրեն զարմացրել էր հայ հանրության բուռն արձագանքն իր խոսքերին այն մասին, որ Հայաստանում բավարար չափով չեն տիրապետում ռուսաց լեզվին: «Մի դեպք էր եղել, երբ երիտասարդ տղան, տաքսու վարորդը, ինչ-որ բան ռուսերենով չգիտեր: Ինձ դա զարմացրեց, ես էլ անկեղծ ասացի դրա մասին: Բուռն արձագանք ստացան իմ խոսքերը, և դուք միջադեպ անվանեցիք ոչ թե այն, որ տաքսու վարորդը չէր կարողացել ռուսերեն հաշվել, այլ այն, որ ես ասել էի, թե ռուսաց լեզուն Հայաստանի համար անվտանգության գործոն է»,-ասել է Կիսելյովը: Նա շեշտել է, որ չի փոխել իր տեսակետը և կարծում է, որ ռուսերենի ազատ իմացությունը կենսական կարևորություն ունի Հայաստանի համար: Ըստ Կիսելյովի, «առանց ռուսերենի իմացության անհնար է պատկերացնել Հայաստանի ապագան»: Կիսելյովը հայտնի հեռուստահաղորդավար Վլադիմիր Սոլովյովի հետ համատեղ ասուլիսում անդրադարձել է նաև Ադրբեջանին ռուսական զենքի վաճառքին: «Ադրբեջանը զենք է գնում շուկայում կայուն գումարով, այդ զենքը նա կարող է գնել Իսրայելից, ԱՄՆ-ից կամ ՌԴ-ից: Իսկ Ռուսաստանը զենքի արտահանմամբ երկրորդն է աշխարհում, ուստի զենքն առաքում է շուկա, միջազգային սալոններ, որտեղից էլ Ադրբեջանը, ինչպես և շատ այլ երկրներ, գնում են այդ զենքը»,-ասել է Կիսելյովը: Նա նաև հորդորել է քաղաքական ենթատեքստ չորոնել Ադրբեջանին զենք վաճառելու հարցում: Ըստ նրա, զենք վաճառելով, Ռուսաստանը պահպանում է հարաբերություններն Ադրբեջանի հետ: «Ռուսաստանը, պահպանելով հարաբերություններն Ադրբեջանի հետ, շատ հարցերում կառավարում է նրան: Ուզում եմ, որ ճիշտ ընկալեք այդ բառը՝ կառավարում է, ինչպես մարդիկ են հարաբերությունները պահպանելով, կառավարում միմյանց: Եթե մենք պահպանում ենք շփումը, ապա կարող ենք ազդել»,- ասել է Կիսելյովը: Նա նաև հավելել է, որ զենքի վաճառքը միևնույն է լինելու է, քանի որ Ադրբեջանը միլիարդներ է ծախսում զենքի վրա: Ըստ Կիսելյովի, ՌԴ և Ադրբեջանի հարաբերությունները շահավետ են Հայաստանի համար, քանի որ Ռուսաստանը Ադրբեջանից ստացած փողով զարգացնում է իր ռազմարդյունաբերական համալիրն ու կարող է զինել Հայաստանին: «Այդպիսով, Ադրբեջանը Ռուսաստանի միջոցով զենք է գնում Հայաստանի համար»,-ասել է Կիսելյովը: 2016-ին՝ ապրիլյան պատերազմի օրերին ՌԴ կողմից Ադրբեջանին զենք վաճառելու փաստը վրդովմունքի ալիք առաջացրեց ինչպես ՀՀ բնակչության, այնպես էլ իշխանությունների շրջանում: Ադրբեջանը զենք է գնում ՌԴ-ից 2000-ից ի վեր, սակայն պայմանագրերի ամենամեծ փաթեթը կնքվել է 2010-ին և գնահատվում է 4 մլրդ դոլար: Ռուսաստանն ամբողջովին կատարել է Ադրբեջանին Տ-90Ս տանկերի մատակարարման մասով իր ստանձնած պարտավորությունները: Ռուսաստանը 2014թ. պաշտոնապես Ադրբեջան է արտահանել հետևյալ զինատեսակները.65 միավոր տանկ, 78 միավոր ռազմական զրահամեքենա, 118 միավոր խոշոր տրամաչափի հրետանային համակարգեր: Ավելի վաղ ՀՀ պաշտպանության փոխնախարար Արա Նազարյանը հայտարարել էր, որ ռուսական 200 միլիոն դոլարի պայմանագիրը՝ Հայաստան զինամթերք մատակարարելու մասին, իրականացման փուլում է: 2015-ին Հայաստանն ու Ռուսաստանը կնքեցին վարկային պայմանագիր, որի համաձայն Մոսկվան պետք է $200 մլն վարկ տրամադրի՝ սպառազինության ձեռքբերման համար: ՀՀԿ պատգամավոր Գագիկ Մինասյանը 2016-ի ապրիլի 11-ին հայտարարեց, որ ռուսական վարկով գնվելիք սպառազինության մատակարարումն ուշացվել է: Ուշագրավ Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Ամենաընթերցվողը բաժնում | «Օրգանական գյուղատնտեսության զարգացման» 2024-2025թթ. անվճար ծրագիրը սկսվում է Ծրագրին կարող են դիմել այն տնտեսվարողները, ովքեր իրականացնում են օրգանական սննդի արտադրություն կամ պատրաստ են անցնել վերջինիս Բաքոյան․ Իշխանական պատգամավորները Կիրանցում անելիք չունեն, Բագրատ սրբազանի հետ հանդիպումը բացառում են Ըստ նրա՝ որևէ մեկի իրավունքը, ճանապարհ փակելով, չի խախտվում, ուղղակի չպետք է սադրել Կիրանցի ճանապարհին կարմիրբերետավորները բիրտ ուժ են կիրառել․ 14 մարդ է բերման ենթարկվել ԱԺ պատգամավոր Խամոյանը տեսանյութ է հրապարակել Երևանը նոր Գլխավոր հատակագիծ կունենա Դա կլինի թվայնացված փաստաթուղթ |