Հունվարին ՀՀ պաշտպանությանն ուղղվող ծախսերն ավելացել են 21.7%-ով

Հունվարին ՀՀ պաշտպանությանն ուղղվող ծախսերն ավելացել են 21.7%-ով

PanARMENIAN.Net - ՀՀ պետբյուջեից պաշտպանությանն ուղղվող ծախսերը 2017-ի հունվարին նախորդ տարվա նույն ժամանակահատվածի համեմատ ավելացել են 21.7%-ով՝ հասնելով 11.6 միլիարդ դրամի: 2016-ի հունվարին պաշտպանական ծախսերին ուղղվել էր 9.5 միլիարդ դրամ:

Ազգային վիճակագարական ծառայության հրապարակած տվյալների համաձայն, ՀՀ պետական բյուջեի ծախսերի կառուցվածքում հունվարին պաշտպանությանն ուղղված ծախսերը կազմել են ընդհանուրի19.7%-ը՝ նախորդ տարվա 17.9%-ի դիմաց:

ՀՀ 2017-ի ռազմական բյուջեն կազմում է 209.755.268.400 դրամ (շուրջ $439.7 մլն), որից, մասնավորապես, ռազմական պաշտպանության մասով՝ 202.046.175.100 դրամ, արտաքին ռազմական օգնության գծով՝ 164.647.800 դրամ:ՀՀ 2016-ի ռազմական բյուջեն կազմում է 208.014.971.000 դրամ, որից, մասնավորապես՝ռազմական պաշտպանության մասով՝ 200.352.639.300 դրամ,արտաքին ռազմական օգնությանը՝ 169.024.600 դրամ:

Կարդացեք նաև. 2012-16-ն Ադրբեջանը 20 անգամ ավելի շատ զենք է ներկրել, քան ՀՀ-ն

 Ուշագրավ
Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը
Դիմում կարող են ներկայացնել ծրագրի առաջին փուլի պայմաններին բավարարող շահառուները
Շինարարությունը պետք է ավարտվեր դեռ 2021–ին, սակայն, մինչ օրս պարբերաբար հետաձգվում էր
---