Վահե Ստեփանյանը՝ կառավարության աշխատակազմի ղեկավար

PanARMENIAN.Net - ՀՀ վարչապետ Կարեն Կարապետյանը կառավարության աշխատակազմի ղեկավար է նշանակել Վահե Ստեփանյանին:

Վերջինիս համար վարչապետը նաև երեք նոր տեղակալներ է նշանակել։

Վահե Ստեփանյանի առաջին տեղակալ է նաշանակվել Արթուր Սարգսյանը: Կառավարության աշխատակազմի ղեկավարի տեղակալներ են նշանակվել նաև Վահե Ջիլավյանն ու Կարինե Ավետիսյանը։

Վահե Ստեփանյանը 1998-2011 թթ.-ին աշխատել է «Հայռուսգազարդ» ՓԲԸ-ում` որպես արտաքին կապերի վարչության իրավախորհրդատու, վարչության պետ, իրավաբանական բաժնի պետի պաշտոնակատար, տնօրենների խորհրդի քարտուղար, գլխավոր տնօրենի օգնական, վարչության քարտուղար, աշխատակազմի ղեկավարի տեղակալ: 2011 թ.-ին՝ Երևանի քաղաքապետարան` աշխատակազմի քարտուղար: 2011-2014 թթ.- ին՝ «Հայռուսգազարդ» ՓԲԸ-ի աշխատակազմի ղեկավարի տեղակալ, տնօրենների խորհրդի քարտուղար, վարչության քարտուղար, 2014-2016 թթ.-ին «Գազպրոմ Արմենիա» ՓԲԸ աշխատակազմի ղեկավարի տեղակալ, տնօրենների խորհրդի քարտուղար, վարչության քարտուղար, 2016-2017 թթ. -ին՝ Հայաստանի Հանրապետության կառավարության աշխատակազմի ղեկավար-նախարարի առաջին տեղակալ: