Անգլիայում բացվում են վարսավիրանոցները, փաբերն ու կինոթատրոնները

Անգլիայում բացվում են վարսավիրանոցները, փաբերն ու կինոթատրոնները

PanARMENIAN.Net - Անգլիայում հուլիսի 4-ից վերաբացվել են վարսավիրանոցները, թանգարանները, փաբերն ու ռեստորանները, ինչպես նաև կինոթատրոնները։

Մեծ Բրիտանիայի վարչապետ Բորիս Ջոնսոնը հորդորել է քաղաքացիներին չմոռանալ կանխարգելիչ միջոցների մասին, գրում է Deustche Welle-ն։

«Եթե վիրուսի տարածումը կրկին դուրս գա վերահսկողությունից, կառավարությունն անհապաղ կրկին սահմանափակումներ կկիրառի»,-ասել է նա։

Հուլիսի 4-ից Բրիտանիայում կթույլատրվեն նաև ամուսնության գրանցումները, սակայն հյուրերի քանակը չպետք է գերազանցի 30-ը։ Խորհուրդ է տրվում ձեռնպահ մնալ հանդիսավոր ճաշկերույթից։

Միացյալ Թագավորության մյուս մասերում՝ Ուելսում, Շոտլանդիայում և Հյուսիսային Իռլանդիայում, կարանտինը դեռ կպահպանվի։

Հուլիսի 3-ի երեկոյան Լոնդոնում 7 ոստիկան վիրավորում է ստացել չարտոնված համերգի հավաքված բազմությանը ցրելիս։ Հավաքվածները աղյուսներ և այլ իրեր են նետել ոստիկանների ուղղությամբ։ Այդ մասին հայտնել է Լոնդոնի ոստիկանության քաղաքային վարչությունը։

Մեծ Բրիտանիայում կորոնավիրուսով վարակի ավելի քան 285,000 դեպք է գրանցվել, ավելի քան 44,000 մարդ մահացել է։

 Ուշագրավ
2020 թվականի օգոստոսից Թուրքիայից Ադրբեջան պաշտպանական և ավիացիոն միջոցների արտահանման ծավալները խիստ աճել են
Գինը վերջնական չէ, բանակցություններն ընթանում են։
Պատվաստված կամավորները կորոնավիրուսի դեմ իմունիտետ են ձեռք բերել
Նա նշել է, որ ԱԳ նախարար Էլմար Մամեդյարովը որևէ կերպ չի արձագանքել հուլիսի 12-ին իրադարձություններին