ՊՆ․ ԱՀ-ում պատերազմում պահեստազորայիններ ներգրավված չեն, հրատապ խնդիր չկա 29 սեպտեմբերի 2020 - 11:46 AMT PanARMENIAN.Net - Արցախ մեկնած պահեստազորայինները ներգրավված չեն պատերազմում, նրանց ներգրավվածությունն ունի հատուկ կանոնակարգված բնույթ, հայտարարել է պաշտպանության նախարարության ներկայացուցիչ Արծրուն Հովհաննիսյանը։ «Այնպես չէ, որ պահեստազորայինները գնում են ու միանգամից մարտի նետվում։ Նման բան չկա։ Մեր ԶՈւ-ն նման հրատապ խնդիր չունի, իր առջև դրված խնդիրը կատարում է, և պահեստազորայինների ներգրավումն ունի հատուկ ընթացակարգ՝ որոշակի խնդիրներով»,- հայտարարել է Հովհաննիսյանը։ Նա նշել է նաև, որ հայկական բանակի կորուստներն անհամեմատելի են ադրբեջանական ԶՈւ-ի կորուստների հետ։ Հովհաննիսյանը տեղեկացրել է, որ Արցախում շփման գծի ամբողջ երկայնքով մարտերը շարունակվում են, ՀՀ սահմանային Վարդենիսում մարտեր չկան, սակայն հարվածից հետո գործողություններ եղել են և կլինեն։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ Արցախի զինված ուժերում 84 զոհ կա: Ռազմական գործողություններից անմիջապես հետո ՀՀ-ում հարյուրավոր մարդիկ կամավոր Արցախ մեկնելու պատրաստակամություն են հայտնել։ ՀՀ-ում ու Արցախում ռազմական դրություն է հայտարարվել։ ՀՀ-ից պահեստազորում հաշվառվածների ելքն արգելված է։   Ուշագրավ Պատճառը Մերձավոր Արևելքում հակամարտության սրացումն է Դավոյանն ասել է, որ արդարադատության նախարարի պաշտոնը պետք է զբաղեցնի իշխող քաղաքական թիմի անդամ Տեղի է ունեցել Ամենայն Հայոց կաթողիկոսի և Պոլսո Հայոց պատրիարքի առանձնազրույցը Ավելին` հակաբիոտիկների ոչ նպատակային կիրառումը կարող է բերել դեղի նկատմամբ կայունության զարգացման   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումներըViva-ն ամպային ծառայությունների աճող պահանջարկ է գրանցել Viva-ի ենթակառուցվածքները նոր են և համապատասխանում են միջազգային բոլոր ստանդարտներինՔՊ վարչությունը մերժել է Արփի Դավոյանի թեկնածությունը արդարադատության նախարարի պաշտոնում Նրա՝ արդարադատության նախարար լինելուն դեմ է եղել վարչության գերակշիռ մասը |
