 Փաշինյան․ ՀՀ սահմանի երկայնքով ռազմական գործողությունների դեպքում կդիմենք ՀԱՊԿ-ին կամ ՌԴ-ին 22 հոկտեմբերի 2020 - 23:23 AMT PanARMENIAN.Net - Ռազմական գործողությունների էսկալացիայի և դրանց՝ Հայաստանի ու Ադրբեջանի ամբողջ սահմանի երկայնքով տեղափոխման դեպքում ՀՀ-ն կդիմի Հավաքական անվտանգության պայմանագրի կազմակերպությանը, հնարավոր է՝ ուղիղ Ռուսաստանին, հայտարարել է վարչապետ Նիկոլ Փաշինյանը «Ինտերֆաքսին»: «Մենք արդեն տեղեկացրել ենք ՀԱՊԿ-ի մեր գործընկերներին ընթացիկ իրավիճակի մասին: Ռուսաստանը հայտարարել է, որ Մոսկվան հավատարիմ կլինի պայմանագրային այն պարտավորություններին, որոնք ունի Հայաստանի հանդեպ անվտանգության ոլորտում: Եթե իրավիճակն այդպես զարգանա, իհարկե, Հայաստանն այդ հարցով կդիմի ՀԱՊԿ-ին, կամ հնարավոր է՝ ուղիղ Ռուսաստանին», - ասել է վարչապետ Փաշինյանը։ Նա նաև ընդունելի էր համարել խաղաղապահ ուժերի տեղակայումը Լեռնային Ղարաբաղի հակամարտության գոտում, սակայն նշել, որ խաղաղապահների կազմի վերաբերյալ Ադրբեջանի պատկերացումները չեն համընկնում Հայաստանի պատկերացումներին։ Ադրբեջանը սեպտեմբերի 27-ի վաղ առավոտյան Արցախի ուղղությամբ սկսել է օդային և հրթիռային հարձակում՝ թիրախավորելով թե ռազմական օբյեկտներ, թե քաղաքացիական ենթակառուցվածքներ, այդ թվում՝ Ստեփանակերտում։ ՀՀ-ում և Արցախում ռազմական դրություն է հայտարարված։   Ուշագրավ Փաշինյանի խոսքով անհրաժեշտ է պատասխանել հարցին՝ այսինքն մեր տարածքաշրջանը հավերժ պատերազմների տարածաշրջան է, թե ոչ Երրորդ նախագահի գրասենյակից հայտարարել են նաև, թե Ալիևն «իրեն հատուկ ցինիզմով հիմա էլ նենգափոխել բանակցային գործընթացի պատմությունը» Սարգսյանը որոշել է դիմել Սահմանադրական դատարան՝ դրա Սահմանադրության համապատասխանության հարցը որոշելու խնդրանքով Անդրադարձ է լինելու նաև եռակողմ հայտարարության դրույթների կատարմանը   |  Վերջին լուրեր BetConstruct-ը` տարվա «Լավագույն սպորտային ծրագրային ապահովման մատակարար»  Մոսկվայում կայացել է «Բուքմեյքերների վարկանիշ» հեղինակավոր հարթակի մրցանակաբաշխությունըՄայորը բերման է ենթարկվել՝ 600,000 դրամ կաշառքը վերցնելիս Նա կաշառքը ստացել է զինապարտության հարցը վերջնականապես լուծելու համարԱՆ․ Պատվաստման մասին կեղծ լուրերին խիստ ենք մոտենալու` ԱԱԾ, Ոստիկանություն կդիմենք Նախարարը նշել է, որ համավարակի հետ կապված իրավիճակը քաղաքական շահարկումների առիթ է դառնումԱրցախի ՄԻՊ․ Քաղաքակիրթ աշխարհը պատասխանատու է հայկական մշակույթի պահպանման համար «Մինչ օրս ոչ մի քայլ չի ձեռնարկվել այդ ուղղությամբ` Ադրբեջանի կողմից ստեղծված կեղծ խոչընդոտների պատճառով»,-ասել է նա |
