ՊԲ․ Վերջին օրերին մեր պահպանության տակ գտնվող տեղամասում որևէ զինծառայողի գերեվարման դեպք չի եղել![]() 18 դեկտեմբերի 2020 - 18:53 AMT PanARMENIAN.Net - Համացանցում շրջանառվող տեսանյութը, թե ադրբեջանական բանակը գերեվարել է 62 հայ զինծառայողի, իրականությանը չի համապատասխանում, հայտարարել են Պաշտպանության բանակից։ «Վերջին օրերի ընթացքում ՊԲ պահպանության տակ գտնվող տեղամասում որևէ զինծառայողի գերեվարման դեպք չի արձանագրվել և վերոնշված տեղեկատվությունն իրականությանը չի համապատասխանում»,-հայտարարել են պաշտպանության բանակից։ ՊԲ-ից հորդորել են չտարածել Ադրբեջանի քարոզչական նշանակություն ունեցող տեսանյութը։ Ավելի վաղ հայկական կողմը հաստատել էր Խծաբերդ-Հին Թաղեր հատվածում 73 զինծառայողի անհետ կորելու մասին լուրը։ Սեպտեմբերի 27-ից Արցախի դեմ Ադրբեջանը պատերազմ էր սանձազերծել՝ ահաբեկիչ-վարձկանների ու թուրքերի անմիջական աջակցությամբ։ Նոյեմբերի 10-ին վարչապետ Նիկոլ Փաշինյանը հայտարարեց, որ ՌԴ ու Ադրբեջանի նախագահների հետ պատերազմի դադարեցման համաձայնության է եկել։ Ըստ դրա՝ Ադրբեջանը և Հայաստանը կանգ առան իրենց զբաղեցրած դիրքերում: Իսկ ՌԴ խաղաղապահները տեղակայվեցին ԼՂ շփման գծի երկայնքում և Հայաստանի հետ կապող միջանցքում: Պատերազմի ընթացքում հայկական կողմը տարածքային կորուստներ ունեցավ որոշ ուղղություններով, այդ թվում կորցրեց Շուշին։ Բացի այդ, ըստ եռակողմ հայտարարության, հայկական կողմը հետ քաշեց զորքերը Աղդամից, Քարվաճառից և Լաչինից։ ![]() ![]() «Դեռևս վաղ է այդ մասին խոսելը»,–ասել է նա Մշակվում է Հավաքական անվտանգության խորհրդի որոշման նախգիծը Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության ![]() ![]() | ![]() ![]() ![]() ![]() ![]() ![]() ![]() ![]() |