Այվազյանը՝ Գուտերեշին․ Ադրբեջանը փաստացի հրաժարվում է գերիների ու դիերի փոխանակումից

Այվազյանը՝ Գուտերեշին․ Ադրբեջանը փաստացի հրաժարվում է գերիների ու դիերի փոխանակումից

PanARMENIAN.Net - Տարածաշրջանում տևական և կայուն խաղաղությանը կարելի է հասնել միայն հակամարտության համապարփակ լուծմամբ, որը կներառի Լեռնային Ղարաբաղի կարգավիճակը` հիմնված Արցախի ժողովրդի ինքնորոշման իրավունքի իրացման վրա, գրել է արտաքին գործերի նախարար Արա Այվազանը ՄԱԿ գլխավոր քարտուղար Անտոնիո Գուտերեշին ուղղված նամակում։

Նա նշել է, որ տասնամյակներ տևած զինադադարի խախտմամբ Արցախի դեմ պատերազմական գործողությունները հանգեցրել են մարդկային կյանքերի մեծաթիվ կորուստների, ԱՀ բնիկ ազգաբնակչության լայնածավալ էթնիկ զտումների, կանխամտածված ավերածությունների, հայկական կրոնական և մշակութային հուշարձանների պղծման ու վանդալիզմի:

ԱԳ նախարարը նամակում անդրադարձել է Ադրբեջանի կողմից նոյեմբերի 9-ի եռակողմ հայտարարության դրույթների խախտման դեպքերին՝ նշելով, որ հրադադարի հաստատումից ավելի քան մեկ ամիս հետո Ադրբեջանն իրականացրել է ռազմական գործողություններ Հին Թաղերի և Խծաբերդի ուղղությամբ ու գերեվարել 64 հայ զինծառայողի։

Շեշտվել է, որ Ադրբեջանը փաստացի հրաժարվում է կատարել ռազմագերիների, պատանդների և պահվող այլ անձանց ու զոհվածների դիակների փոխանակումը, ինչը միջազգային հումանիտար իրավունքի բացահայտ խախտում է:

Նախարար Այվազյանը ՄԱԿ Գլխավոր քարտուղարի ուշադրությունը հրավիրել է նաև մշակութային ժառանգության պահպանման ոլորտում միջազգային կազմակերպությունների հետ համագործակցելու Ադրբեջանի դժկամության վրա:

 Ուշագրավ
Զեկույցում ԵԽԽՎ-ն նաև իր մտահոգությունն է հայտնել հակամարտության ընթացքում մարդու իրավունքների խախտումների մասով
Կողմերը նաև քննարկել են երկկողմ և տարածաշրջանային օրակարգի ակտուալ հարցեր
Փաշինյանն ընդգծել է ստորագրած եռակողմ հայտարարույթյան կարևորությունը