Բեռլինում ընդհանուր կրոնական կենտրոն կկառուցեն քրիստոնյաների, հուդայականների և մահմեդականների համար

Բեռլինում ընդհանուր կրոնական կենտրոն կկառուցեն քրիստոնյաների, հուդայականների և մահմեդականների համար

PanARMENIAN.Net - Բեռլինում ընդհանուր կրոնական կենտրոն կկառուցեն քրիստոնյաների, հուդայականների և մահմեդականների համար։ Կենտրոնը կկառուցվի 1964թ․ կոմունիստների կողմից քանդված Սբ Պետրոսի եկեղեցու տեղում։ €47 մլն արժողությամբ նախագիծը պաշտոնապես կկոչվի House of One, իսկ ոչ պաշտոնապես՝ «եկեղեցամզկիթագոգ»։

House of One-ի պլանավորման համար, որը դառնալու է միջկրոնական համերաշխության և երկխոսության խորհրդանիշ, 10 տարի պահանջվեց, գրում է Bird in Flight-ը։

«Գաղափարը պարզ է՝ մենք ուզում էինք միասնական տարածք ստեղծել աղոթքի և ուսուցման համար, որտեղ երեք կրոնը կկարողանան գոյակցել՝ չկորցնելով անհատականությունը»,- ասել է քրիստոնյա աստվածաբան Ռոլանդ Շտոլտեն։

Շենքը նախագծել է գերմանացի ճարտարապետ Կուեն Մալվեցցին։ Այն ընդհանուր նախասրահ կունենա, որտեղ կանցկացվեն բանավեճեր և միջոցառումներ, որոնց կկարողանան մասնակցել տարբեր կրոններ դավանող անձինք, ինչպես նաև աթեիստներ։

Տեղի կրոնական համայնքները սատարում են գաղափարին։

Շինարարությունը կմեկնարկի մայիսի 27-ին և կտևի մոտ 4 տարի։

 Ուշագրավ
Առնվազն 10 մարդ է տուժել, Յասուջ և Սիսեհթ քաղաքներում կան ավերածություններ
Վրաստանի տարածքի մի մասը օտար պետության փոխանցելու մասով 2 մեղադրյալ ու 100 հարցաքննված կա
2019-ի համեմատ զբոսաշրջային ուղղություններում օտարերկրյա զբոսաշրջիկների քանակը պակասել է 900 միլիոնով