Ընդդիմությանը չի հաջողվել խոչընդոտել վարչապետի մուտքն ԱԳՆ․ Ակցիան Բաղրամյանում կշարունակվի 13 մարտի 2021 - 14:49 AMT PanARMENIAN.Net - Հայրենիքի փրկության շարժման համակիրները չեն կարողացել փակել վարչապետ Նիկոլ Փաշինյանի մուտքն Արտաքին գործերի նախարարության շենք, ԱԳՆ-ի մոտ անցկացրած ակցիայից հետո նրանք շարժվել են դեպի Բաղրամյան պողոտա։ Այդտեղ արդեն նրանք պատրաստվում են դիմավորել նախագահի հետ հանդիպման եկող քաղուժերին, փոխանցում է Sputnik Armenia-ն։ «Փաշինյանի հանդիպումը նախատեսված էր 12:30-ին, նա ժամանել է դրանից մեկ ժամ շուտ: Նա չի վստահում հազարավոր ոստիկաններին և գիտի, որ նույնիսկ նրանք չեն կարողանա պաշտպանել իրեն»,-ԱԳՆ-ի մոտ հավաքվածներին ասել է ՀՅԴ անդամ Գոռ Սարգսյանը։ ՀՅԴ Գերագույն մարմնի անդամ Արծվիկ Մինասյանի խոսքով՝ ընդդիմությունը հասել է իր առջև դրված նպատակին։ «Մենք ստացանք այն պատկերը, որն ի սկզբանե ուզում էինք ստանալ։ Մենք այս ակցիայով ցանկանում էինք ցույց տալ, որ Նիկոլ Փաշինյանն այլևս չի կարող ազատեն շրջել այս երկրում։ Եվ արեցինք դա»,- ասել է նա։ Հայրենիքի փրկության շարժման համակիրները հավաքվել էին Կառավարության 2-րդ մասնաշենքի դիմաց՝ խոչընդոտելու Փաշինյանի մուտքը ԱԳՆ շենք, որտեղ վարչապետը հանդիպելու էր նախարարության աշխատողներին։ Ընդդիմությունն էլ նախապես էր հայտարարել, որ փորձելու է փակել վարչապետի ճանապարհը։ Կառավարության մասնաշենքի շրջակայքում այս պահին նույնպես մեծ քանակությամբ ոստիկանական ուժեր են կուտակված, նախարարության շենքի ու հարակից մի քանի շենքերի տանիքներին դիպուկահարներ են տեղակայվել։ Հայաստանում Փաշինյանի հրաժարականի պահանջով բողոքի ակցիաները սկսվել են նոյեմբերի 10-ի եռակողմ հայտարարության ստորագրումից հետո։   Ուշագրավ «Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս   Ամենաընթերցվողը բաժնում |  Բաժիններ թեմայով Վերջին լուրեր Քևին Սփեյսին՝ «Ոսկե ծիրանի» պատվավոր հյուր  Սփեյսին կրկնակի Օսկարակիր է, արժանացել է Լոուրենս Օլիվյեի մրցանակինՀնդկաստանի ԱԳ նախարար. Մեզ համար ՀՀ դիրքը շատ կարևոր է, այն Եվրոպայի և Արևելքի միջև է «Կան շատ հնարավորություններ` զարգացնելու փոխշահավետ կապերը»,–ասել է նաԱվինյան․ Նորագյուղի ամբողջական վերակառուցման շրջանակում անդրադառնալու ենք նաև Երևանյան լճին Նա հույս է հայտնել, որ «շատ հետաքրքիր միջավայր ենք ստանալու Երևանյան լճի հարակից տարածքումARARAT-ն ու «Ոսկե ծիրանը» ARARAT թանգարանում հատուկ ցուցադրություն են բացել Գորգերի ցուցադրությունն ARARAT թանգարանում բաց կլինի մինչև օգոստոսի 1-ը, մուտքն ազատ է |
