ՌԴ Օրենբուրգի շրջանում կեղծ ալկոհոլից 32 մարդու մահվան գործով 3 ադրբեջանցի է ձերբակալվել։ Ձերբակալվել են Ադրբեջանում ծնված Շառլան Բաղազադեն, Սադիգ Ալիևն ու նրա ազգակիցը, գրում է Haqqin.az-ը ռուսական լրատվամիջոցների վրա հղումով։

Ձերբակալվածներին մեղադրանք է առաջադրվել ՌԴ ՔՕ 238 հոդվածի 3-րդ մասով՝ անվտանգության պահանջներին չհամապատասխանող ապրանքների արտադրություն։

Կեղծ ալկոհոլից թունավորումների մասին հաղորդագրություններ սկսեցին հայտնվել հոկտեմբերի լույս 7-ի գիշերը։ Իրավապահ մարմինները հայտնաբերել են արտադրամասն ու պահեստը։ Առգրավվել է ավելի քան 600 լ սպիրտ պարունակող հեղուկ։ Հարուցվել է 6 քրեական գործ, որոնք միավորվել են մեկ վարույթում։