Արցախից հացահատիկի արտահանումն արգելվել է

Արցախից հացահատիկի արտահանումն արգելվել է

PanARMENIAN.Net - Հուլիսի 1-ից արգելվել է հացահատիկի արտահանումն Արցախի տարածքից, հայտնում է ԱՀ գյուղատնտեսության նախարարությունը։

Նշվում է, որ «Ռազմական դրության իրավական ռեժիմի մասին» օրենքի 11-րդ հոդվածի 1-ին մասի 4-րդ կետի համաձայն, Արցախի կառավարության N 755-Ն որոշմամբ, հուլիսի 1-ից արգելվել է ցորենի և գարու, այդ թվում՝ ցորենի և գարու սերմացուների արտահանումը Արցախի Հանրապետության տարածքից։

Որոշման իրագործման նկատմամբ վերահսկողությունը վերապահվել է Արցախի ներքին գործերի նախարարությանը և պետական եկամուտների կոմիտեին:

44-օրյա պատերազմի արդյունքում Արցախի վարելահողերի զգալի մասը անցել է Ադրբեջանի հսկողության տակ։ Մինչ պատերազմը Արցախում մոտ 100,000 տոննա ցորեն էր հավաքվում, որի մի մասն արտահանվում էր Հայաստան։

 Ուշագրավ
Նշվում է նաև, որ տեղի է ունեցել կարծիքների կառուցողական փոխանակում։
Կողմերն անդրադարձել են ՀՀ-ԵՄ հարաբերություններին, Լեռնային Ղարաբաղի շուրջ ստեղծված իրավիճակին
Ավելի վաղ ԱՀ նախագահը հանդիպել էր Արկադի Ղուկասյանի և Բակո Սահակյանի հետ
Նա նշել է, որ Մեծի Տանն Կիլիկիո կաթողիկոսությունը չի կարող անտարբեր և լուռ մնալ
---