Արցախում լռության րոպե էր․ Յուրաքանչյուրն իր գտնվելու վայրում հոտնկայս էր

Արցախում լռության րոպե էր․ Յուրաքանչյուրն իր գտնվելու վայրում հոտնկայս էր

PanARMENIAN.Net - Սեպտեմբերի 27-ին ժամը 11-ին Արցախի Հանրապետության ամբողջ տարածքում լռության րոպե էր: Յուրաքանչյուրն իր գտնվելու վայրում այդ րոպեին հոտնկայս էր, լուռ, գլուխը խոնարհած։

Անգամ Ստեփանակերտի Սուրբ Հակոբ եկեղեցու հրապարակում, որտեղ հավաքվել են օրվա խորհրդին նվիրված երթի հազարավոր մասնակիցները, լռության րոպեին շշուկ անգամ չէր լսվում, հայտնում է ArtsakhTVnews-ը։

Կանգնել էր նաև երթևեկությունը։

Ստեփանակերտի Սուրբ Հակոբ եկեղեցու բակից հազարավոր քաղաքացիների մասնակցությամբ տեղի է ունեցել նաև Խաչերթ՝ ի հիշատակ հանուն հայրենիքի պաշտպանության նահատակվածների:

Սեպտեմբերի 27-ին լրանում է Արցախի Հանրապետության դեմ Ադրբեջանի հայտարարած պատերազմի մեկնարկի երկրորդ տարելիցը։ Սեպտեմբերի 27-ին սկսված և 44 օր տևած պատերազմն ուղեկցվել է Ադրբեջանի կողմից միջազգային մարդասիրական և մարդու իրավունքների լայնածավալ խախտումներով, պատերազմական հանցագործություններով և զանգվածային այլ ոճրագործություններով։

 Ուշագրավ
Նա նշել է, որ Արցախն Ադրբեջանական ԽՍՀ–ից դուրս է եկել բոլոր իրավական կարգավորումների համաձայն
Շեշտադրվել է նաև փոխընդունելի լուծումներ գտնելու անհրաժեշտությունը բոլոր համապատասխան հարցերի շուրջ
Այդպիսով հայ երգչուհին ներկաների ուշադրությունն է հրավիրել արդեն մեկ ամսից ավելի շարունակվող Արցախի շրջափակմանը
Նա ասել է, որ ՀՀ և Ադրբեջանի բանակցությունների համար հարթակ տրամադրելու ՌԴ առաջարկն ուժի մեջ է
---