6,463,511 դրամ` Արցախում արևային ջրաջեռուցիչների տեղադրմանը 12 ապրիլի 2023 - 11:03 AMT PanARMENIAN.Net - Իդրամի և IDBank-ի «Մի դրամի ուժը» արդեն հատել է 120 մլն դրամի սահմանը։ Ապրիլ ամսվա շահառուն Պատերազմի մասնակիցների մասնագիտական ներուժի բացահայտման ծրագիրն է, որի նպատակն է նպաստել պատերազմի ընթացքում վիրավորում ստացած, ՀՀ մարզերում բնակվող զինվորների սոցիալ-տնտեսական վերաինտեգրմանը՝ աշխատանքի և աշխատելու մոտիվացիան խթանելու միջոցով: IDBank-ի հաղորդակցման բաժնի ղեկավար Տաթևիկ Վարդևանյանի խոսքով՝ ընկերությունների համար կարևոր է սեփական ներդրումն ունենալ մեր հայրենիքի պաշտպանների կյանքի որակի բարելավման գործում։ «Պատերազմի մասնակիցների վերաինտեգրման խնդիրը հասարակության մեջ առաջնային նշանակություն ունի, և ժամանակին լուրջ քայլերի չդիմելը կարող է անդառնալի հետևանքներ ունենալ թե՛ հենց պատերազմի մասնակիցների, և թե՛ ողջ հասարակության համար, ուստի մենք մեծ հույսով և սպասումով այս ծրագիրն ընտրեցինք որպես ապրիլ ամսվա շահառու», - ասել է Տաթևիկ Վարդևանյանը։ «Այս ծրագրի հիմքում ընկած է պատերազմի հետևանքով հաշմանդամություն ձեռք բերած զինծառայողների մասնագիտական կարողությունների և հմտությունների բացահայտումը, դրա հիման վրա նոր հնարավորությունների ստեղծումը՝ իրենց ամբողջ ներուժը կենսագործելու համար», – նշել է «Իմ քայլը» հիմնադրամի տնօրեն Մխիթար Հայրապետյանը։ «Մի դրամի ուժը» նախաձեռնության փետրվար և մարտ ամիսների ընթացքում ընկերությունների հարթակներով կատարվող վճարումների արդյունքում հավաքված ամբողջ գումարը՝ 6,463,511 դրամ, ուղղվել է Արցախի գյուղական բնակավայրերի բնակիչների մասնավոր տնային տնտեսություններում արևային ջրաջեռուցիչների տեղադրմանը։ Ծրագիրը նպաստում է գյուղացիների գազի և էլեկտրականության ծախսերի կրճատմանը, տնային տնտեսությունների ինքնատնօրինման բարձրացմանը և ընդհանուր առմամբ Արցախի Հանրապետության կախվածության նվազեցմանը Հայաստանից գազի և էլեկտրաէներգիայի մատակարարումներից: «Մի դրամի ուժը» նախաձեռնության բարի կամքի դեսպան կարող է դառնալ յուրաքանչյուրը․ պարզապես անհրաժեշտ է բոլոր վճարումներն իրականացնել Idram&IDBank հավելվածով, IDBanking.am, Idram.am առցանց հարթակներով և երկու ընկերությունների տերմինալներով։ Բանկը վերահսկվում է ՀՀ ԿԲ կողմից։   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Գյուղապետ․ Կիրանցի այլընտրանքային ճանապարհի երկայնքով նաև պատ է կառուցվում  «Պատ էլ են շարում, ճանապարհի երկու կողմով պատ են շարում»,- ասել է ՇահինյանըԵրթևեկության փոփոխություն՝ Գրիգոր Լուսավորչի–Արգիշտիի–Իտալիայի փողոցների խաչմերուկում Հետիոտնային անցումը կտեղափոխվի Ալ. Մյասնիկյանի արձանին հարող ճանապարհահատվածՀՀ բանկերի ղեկավար կազմն այցելել է OVIO-ի տվյալների մշակման կենտրոն Տվյալների մշակման կենտրոնը OVIO ընկերության կողմից կոմերցիոն շահագործման է հանձնվել 2024թ․ մայիսին«Շիրակ» օդանավակայանում ռումբի մասին կեղծ ահազանգի համար 36–ամյա տղամարդ է ձերբակալվել Օդանավակայանի բնականոն աշխատանքը վերականգնվել է |
