Ֆասթ Բանկը միացել է ՀՀ լիզինգատուների ասոցիացիային 23 մայիսի 2023 - 17:56 AMT PanARMENIAN.Net - Կարևորելով Հայաստանում լիզինգ ֆինանսական գործիքի արագ տեմպերով զարգացումը՝ «Ֆասթ Բանկ» ՓԲԸ-ն ստորագրել է «ՀՀ լիզինգատուների ասոցիացիա» ՀԿ-ին անդամակցելու մասին պայմանագիրը։ Ֆասթ Բանկը կարևորում է լիզինգային համակարգի մեծ դերը երկրի տնտեսության զարգացման մեջ և պատրաստ է բացահայտել ոլորտում առկա խնդիրները, առաջարկել միասնական լուծման եղանակներ։ Համագործակցությունը նաև ստեղծելու է դաշտի օրենսդրական բարելավման աշխատանքներին անմիջականորեն մասնակցելու հնարավորություն։ Ֆասթ Բանկի Բիզնեսի կառավարման տնօրեն-Տնօրինության անդամ Սերգեյ Գասպարյանը նշել է․ «Ուրախ ենք համագործակցել «ՀՀ Լիզինգատուների Ասոցիացիայի» հետ՝ ոլորտի ստանդարտները և գործընթացները զարգացնելու նպատակով: Որպես վստահելի, պատասխանատու, հաճախորդամետ և թվային լուծումներով Բանկ՝ մենք կարևորում ենք թափանցիկությունը, արդար համագործակցությունը և ոլորտի թվայնացումը։ Անհամբեր ենք համագործակցել «ՀՀ Լիզինգատուների Ասոցիացիայի» հետ՝ որդեգրված արժեքները ոլորտում տարածելու համար»: Որպես նոր բանկ՝ Ֆասթի համար հատկանշական է լինել տեղեկացված այս գործիքի միջազգային զարգացման տենդենցներից և մարտահրավերներից, նպաստել լիզինգի վերաբերյալ ճանաչողության, իրազեկվածության բարձրացմանը։ Այս նպատակով Բանկի աշխատակիցները հատուկ վերապատրաստում են անցել, որպեսզի լավագույնս տեղեկացված լինեն լիզինգ ֆինանսական գործիքին և դրա կիրառման բոլոր հնարավորություններին։ «ՀՀ Լիզինգատուների Ասոցիացիայի» նախագահ Արսեն Բազիկյանը ևս վստահություն է հայտնել, որ նոր ձևավորված Բանկը, կառույցին անդամակցելով, կհարստացնի իր գործիքակազմը, թվային նոր լուծումներ կառաջարկի տեղական շուկայում։ Այս համագործակցությունը հաստատում է, որ այս փուլում Ֆասթ Բանկի համար կարևոր է իրազեկ լինել բանկային պրոդուկտների զարգացման միտումներին և մշակել դրանց համապատասխան առաջարկներ։   Ուշագրավ Առևտրաշրջանառությունն աճել է ԵԱՏՄ անդամ բոլոր երկրների հետ Նա նշել է, որ կատարվել են զգալի ներդրումներ ենթակառուցվածքների մեջ Ծրագրի ընդհանուր բյուջեն կազմում է 95.2 մլն եվրո Նա նաև ասել է, որ Թուրքիայի երկրաշարժը ստիպում է կառուցապատողներին սեյսմակայունություն նոր ստանդարտներով առաջնորդվել   |  Վերջին լուրեր ՌԴ կրթության նախարարությունը մշակում է ՀՀ-ում համատեղ դպրոցների բացման հարցը  Նման դպրոցներ է նախատեսվում բացել նաև Սիրիայում և Աֆրիկայի մի շարք երկրներումԱՆ․ Կարմրուկի համաճարակային իրավիճակը կարող է սրվել՝ չպատվաստվածներին խորհուրդ է տրվում մեկնելուց 10 օր առաջ պատվաստվել Աշխարհում կարմրուկի առումով համաճարակային իրավիճակը լարված էՄիրզոյանն ու Կլաարը քննարկել են տարածաշրջանային անվտանգության ու կայունության հարցեր Նրանք կարևորել են քննարկումների շարունակումն առանց ռազմատենչ հռետորաբանության և ուժի կիրառման սպառնալիքիՊՆ․ Ադրբեջանը կրակ է բացել ինժեներական աշխատանքներ իրականացնող տեխնիկայի ուղղությամբ Հայկական կողմը կորուստներ չունի |
