Ադրբեջանը ՀՀ–ին է փոխանցել 3 առևանգված արցախցի ուսանողին 7 սեպտեմբերի 2023 - 18:37 AMT PanARMENIAN.Net - Լաչինի միջանցքի անցակետում առևանգված արցախցի 3 ուսանողին Ադրբեջանը փոխանցել է հայկական կողմին, հայտնում է ՀՀ ազգային անվտանգության ծառայությունը։ Սեպտեմբերի 7-ին ՀՀ և Ադրբեջանի պետական սահմանի Հակարիի կամուրջի տեղամասում ադրբեջանական կողմը ՀՀ ԱԱԾ սահմանապահ զորքերին է փոխանցել Լեռնային Ղարաբաղի բնակիչներ՝ Ալեն Նելսոնի Սարգսյանին (ծնվ. 05.07.2001թ.), Լևոն Ժիրայրի Գրիգորյանին (ծնվ. 17.05.2003թ.) և Վահե Ջանբուլաթի Հովսեփյանին (ծնվ. 12.06.2003թ.)։ Նշվում է, որ վերջիններս օգոստոսի 28-ին ադրբեջանական սահմանապահների կողմից արգելանքի էին վերցվել ԼՂ-ից ՀՀ ուղևորվելիս։ Արցախի Հանրապետության Մարդու իավունքների պաշտպանմ Գեղամ Ստեփանյանը հայտնել է, որ Տղաների փոխանցումը հայկական կողմին տեղի է ունեցել ռուս խաղաղապահների մասնակցությամբ Հակարիի կամրջի մոտ՝ նրանք տեղափոխվել են Հայաստանի Հանրապետություն։ «Ալեն Սարգսյանի, Վահե Հովսեփյանի և Լևոն Գրիգորյանի առևանգման մանրամասների, Ադրբեջանի կողմից կամայական և ապօրինի ազատազրկման ընթացքում նրանց նկատմամբ վերաբերմունքի և առողջական իրավիճակի մասին Արցախի ՄԻՊ հաստատության կողմից կիրականացվի ուսումնասիրություն»,–նշել է նա։ Օգոստոսի 28–ին Արցախից ՀՀ խաղաղապահ զորակազմի ուղեկցությամբ տեղափոխվելիս ադրբեջանական կողմն առևանգել էր 22-ամյա Ալեն Սարգսյանին։ Ավելի ուշ հայտնի դարձավ, որ ևս 2 երիտասարդ` Վահե Հովսեփյանը և Լևոն Գրիգորյանը, ձերբակալվել են անցակետում և տեղափոխվել Բաքու։ Նրանք ՀՀ–ին գալիս շարուն ակելու ուսումը։ էին Հայաստանում սովորելու։ Ավելի ուշ Բաքուն հայտարարեց, թե 3 երիտասարդին ձերբակալել են նախկինում Ադրբեջանի դրոշն անարգելու համար։ Նրանց մեղադրանք էր առաջադրվել 2 հոդվածով։ Սակայն ավելի ուշ հայտարարվեց, որ նրանց նկատմամբ քրեական հետապնդումը դադարեցվել է և նրանք ազատ կարձակվեն 10 օրյա կալանքից հետո։   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
