Ավինյան. Քաղաքը պետք է մաքրել գովազդային աղբից23 հոկտեմբերի 2023 - 17:56 AMT PanARMENIAN.Net - Երևանում ապամոնտաժվել է ինքնակամ տեղադրված 142 արտաքին գովազդ: Ոլորտը կանոնակարգելու նպատակով ավագանին սահմանել է նոր չափորոշիչներ: Երևանի քաղաքապետ Տիգրան Ավինյանը, անդրադառնալով խնդրին, ասել է, որ քաղաքը պետք է մաքրել գովազդային աղբից, հայտնում է «Հայկական ժամանակը»։ Նա նշել է, որ այս պրոցեսում շատ կարևոր է, որ գործընթացը վերաբերի ոչ միայն նոր գովազդներ տեղադրող տնտեսվարողներին, այլ նաև հին տեսակի գովազդներ ունեցող տնտեսվարողներին։ «Որովհետև նախկինից թույլտվություն ունեցող տնտեսվարողները դեռևս ունեն հին տեսքի գովազդները, որը պետք է փոխվեն մինչև հունվարի 1-ը: Իրենք նույնպես պարտավոր են անցնել նոր ստանդարտների: Խնդրում եմ իրենց նույնպես տեղեկացնել այս գործընթացի մասին, որպեսզի հետո բռնաճնշումների մեթոդով չառաջնորդվենք, և ընկերաբար այս պրոցեսը տեղի ունենա, որովհետև քաղաքը գովազդային աղբից պետք է մաքրվի»,–ասել է նա: Քաղաքապետի տեղակալ Սուրեն Գրիգորյանն ասել է, որ վերոնշյալ գովազդների 80 տոկոսը ապամոնտաժել են հենց տնտեսվարողներն իրենց հորդորով: «Կարևոր եմ համարում նշել, որ բոլոր տնտեսվարողներին առաջարկվել է աջակցություն, որպեսզի մեր նոր ձևաչափի՝ ընդունված չափորոշիչների շրջանակներում խորհրդատվություն տրամադրենք, թե ինչ տարբերակներով կարելի է նորը տեղադրել: Մեր նպատակը քաղաքի արտաքին տեսքը բարելավելն է, և վստահաբար այս պրոցեսում համագործակցային տրամաբանությամբ գործող տնտեսվարողներին կաջակցենք»,- նշել է Գրիգորյանը: Ուշագրավ Ավինյանը հանձնարարել է նիստից հետո քննարկում անցկացնել և իրեն զեկուցել Գումարը կհատկացվի պահուստային ֆոնդից Համառոտագիրն անդրադառնում է առցանց տիրույթի կարգավորման բարեփոխումների դերին և կարևորությանը Դիմում կարող են ներկայացնել ծրագրի առաջին փուլի պայմաններին բավարարող շահառուները Ամենաընթերցվողը բաժնում | Միրզոյանն ու Ֆիդանը հեռախոսազրույցում քննարկել են տարածաշրջանային զարգացումները Անդրադարձ է կատարվել Հայաստանի և Թուրքիայի միջև հարաբերությունների կարգավորման գործընթացին ARARAT-ն ու «Ոսկե ծիրանը» ARARAT թանգարանում հատուկ ցուցադրություն են բացել Գորգերի ցուցադրությունն ARARAT թանգարանում բաց կլինի մինչև օգոստոսի 1-ը, մուտքն ազատ է Վենետիկում կայացել է հերթական Fastex Meetup-ը Ֆաստեքսի հանդիպումները շարունակական են ՀՀ-ում տնտեսական ակտիվության ցուցանիշն աճել է 11.2%-ով Ներմուծումն աճել է 99.6 %–ով |