Պետդեպ․ ՀՀ ինքնիշխանության և տարածքային ամբողջականության ցանկացած խախտում կբերի լուրջ հետևանքների 2 նոյեմբերի 2023 - 10:30 AMT PanARMENIAN.Net - ԱՄՆ պետքարտուղարությունը վերահաստատել է իր վճռական աջակցությունը Հայաստանի ինքնիշխանությանն ու տարածքային ամբողջականությանը՝ պատասխանելով «Ամերիկայի ձայնի» հայկական ծառայության հարցմանը՝ կապված Լեմկինի ինստիտուտի՝ Հայաստանի ու Ադրբեջանի մասին օրերս հնչեցրած մտահոգության հետ: Լեմկինի Ցեղասպանության կանխարգելման ինստիտուտը հոկտեմբերի 31-ին հայտարարել էր կարմիր դրոշի ահազանգ և խորը մտահոգություն հայտնել առաջիկա օրերին և շաբաթներին Ադրբեջանի կողմից Հայաստան ներխուժելու հավանականության մասին: Պետքարտուղարությունում շեշտել են, որ Հայաստանի «ինքնիշխանության և տարածքային ամբողջականության ցանկացած խախտում կբերի լուրջ հետևանքների»: Մեկնաբանության մեջ ասված է. «Միացյալ Նահանգները վճռականորեն աջակցում է Հայաստանի ինքնիշխանությանը և տարածքային ամբողջականությանը: Մենք ընդգծել ենք, որ այդ ինքնիշխանության և տարածքային ամբողջականության ցանկացած խախտում կբերի լուրջ հետևանքների։ Մենք պարբերաբար շեշտում ենք մեր ակնկալիքները, ինչպիսին է ուժի կիրառման դեմ հորդորը, և շարունակաբար հետևում իրավիճակին։ Հայաստանը Միացյալ Նահանգների մտերիմ գործընկերն է ու բարեկամը, և մենք ակնկալում ենք աշխատել Հայաստանի իշխանությունների հետ՝ ամրապնդելու համար Հայաստանի քաղաքական և տնտեսական անվտանգությունը»: Հոկտեմբերի 6-ին ԵՄ-ում Հայաստանի դեսպանի թեկնածու Տիգրան Բալայանը զգուշացրել էր, որ Հայաստանում կարծում են, որ ադրբեջանական ներխուժում կարող է տեղի ունենալ «շաբաթների ընթացքում»: ԱՄՆ պետքարտուղար Էնթոնի Բլինքենը ևս մի խումբ ամերիկացի օրենսդիրների նմանատիպ սպառնալիքների մասին էր խոսել։ Ընթերցեք նաև․ Լեմկինի ինստիտուտ․ Առաջիկա օրերին կամ շաբաթներին Ադրբեջանի կողմից ՀՀ ներխուժման վտանգ կա Ուշագրավ «Դեռևս վաղ է այդ մասին խոսելը»,–ասել է նա Մշակվում է Հավաքական անվտանգության խորհրդի որոշման նախգիծը Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության | ԿԳՄՍ նախարարը Գերմանիայում հայագիտական հարցեր է քննարկել․ Նարեկացին գերմաներեն կթարգմանվի Ներկայացվել են Հայաստան-Գերմանիա նոր նախաձեռնությունները և ծրագրերը Evoca-ն՝ Armenian Auto Show Expo-ի հովանավոր Միջոցառման բոլոր այցելուների համար Evocabank-ն ունենալու է հատուկ առաջարկ Դիմակներով ոստիկանները մտել են Արցախի ներկայացուցչություն և առգրավել Շահրամանյանի ծառայողական մեքենան Մեքենան տարվել է հատուկ պահպանվող տարածք՝ նախաքննական գործի շրջանակներում Դրամաշնորհային մրցույթ՝ գյուղական տուրիզմի զարգացման համար Հաղթողները հնարավորություն կստանան օգտագործել մրցանակներն ըստ իրենց հայեցողության |