ՌԴ ՄԻՊ գրասենյակը 6 տ մարդասիրական օգնություն է ուղարկել Արցախից բռնի տեղահանվածներին 1 դեկտեմբերի 2023 - 18:14 AMT PanARMENIAN.Net - ՌԴ ՄԻՊ Տատյանա Մոսկալկովայի գրասենյակը 6 տոննա մարդասիրական օգնություն է ուղարկել Արցախից բռնի տեղահանվածներին։ «Մենք 6 տոննա բեռ ենք հավաքել՝ մանկական հիգիենայի պարագաներ, սարքավորումներ, հագուստ, մակարոնեղեն, ծալովի մահճակալներ։ Կարծում եմ, այս ամենն օգտակար կլինի այն մարդկանց համար, որոնք հայտնվել են կյանքի դժվարին, սարսափելի իրավիճակում, երբ տուն չունեն»,- ասել է Մոսկալկովան։ Նա նշել է, որ կապի մեջ է Հայաստանի և Ադրբեջանի մարդու իրավունքների պաշտպանների հետ։ Մոսկալկովան նաև ասել է, որ իր գրասենյակը պատրաստ է օգնություն ցուցաբերել կորցրած փաստաթղթերը վերականգնելու և բաժանված ընտանիքների վերամիավորման հարցում։ Նա նաև նշել է, որ գրասենյակը պատրաստ է ընդունել ԼՂ երեխաներին, եթե նրանք ՌԴ այցելեն՝ Կրեմլում տոնածառի հանդեսի տանել, ընդունելություն կազմակերպել։ Ադրբեջանը սեպտեմբերի 19-ին Արցախի դեմ լայնամասշտաբ հարձակում է իրականացրել՝ ամբողջությամբ զանգվածային հրետակոծության տակ առնելով երկիրը։ Արդյունքում մեկ օր անց՝ սեպտեմբերի 20-ին ԱՀ իշխանություններն ընդունել են ռուսական խաղաղապահ առաքելության հրամանատարության առաջարկը կրակի դադարեցման վերաբերյալ՝ համաձայնվելով Բաքվի պայմաններին՝ ՊԲ զինաթափում և Արցախի Հանրապետության լուծարում։ Սեպտեմբերի 24-ից արցախցիների բռնի տեղահանում է սկսվել, 100,000–ից ավելի մարդ է բռնի տեղահանվել Հայաստան: Ըստ որոշ տվյալների, Արցախում մոտ 40 հայ է մնացել։ Սեպտեմբերի 28–ին ԱՀ նախագահ Սամվել Շահրամանյանը հրամանագիր է ստորագրել ԱՀ լուծարման մասին, որը ուժի մեջ է մտնում 2024–ի հունվարի 1–ից։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
