Ակբա բանկը պարտատոմսեր է տեղաբաշխում

PanARMENIAN.Net - Ակբա բանկը մեկնարկել է հրապարակային առաջարկով 5,000,000 (հինգ միլիոն) դոլար և 3,000,000,000 (երեք միլիարդ) դրամ ընդհանուր ծավալով արժեկտրոնային ոչ փաստաթղթային պարտատոմսերի տեղաբաշխում։

Պարտատոմսերի տարեկան եկամտաբերությունը դոլարի դեպքում 4.50% է, դրամի դեպքում՝ 9.50%։

Պարտատոմսերի շրջանառության ժամկետը 30 ամիս է, տեղաբաշխումը մեկնարկելու է մայիսի 2-ին և տևելու է մինչև օգոստոսի 1-ը ներառյալ։

Դրամի դեպքում մեկ պարտատոմսի անվանական արժեքը կազմում է 100,000 (հարյուր հազար) դրամ, իսկ դոլարի դեպքում՝ 100 (հարյուր) դոլար:

Պարտատոմսերի ձեռքբերման համար ներդրողը պետք է լրացնի և Ակբա բանկ ներկայացնի պարտատոմսերի ձեռքբերման հայտ։

Պարտատոմսերի ձեռքբերման հայտ ֆիզիկական անձանց համար՝

• Դրամային պարտատոմսերի ձեռքբերման հայտ

• Դոլարային պարտատոմսերի ձեռքբերման հայտ

Պարտատոմսերի ձեռքբերման հայտ իրավաբանական անձանց համար՝

• Դրամային պարտատոմսերի ձեռքբերման հայտ

• Դոլարային պարտատոմսերի ձեռքբերման հայտ

«Ֆիզիկական անձանց բանկային ավանդների հատուցումը երաշխավորելու մասին» ՀՀ օրենքի համաձայն՝ բանկի թողարկած անվանական պարտատոմսերով ներգրավված դրամական միջոցները համարվում են երաշխավորված բանկային ավանդ և երաշխավորված են «Ավանդների հատուցումը երաշխավորող հիմնադրամի» կողմից:

Բանկը վերահսկվում է ՀՀ ԿԲ կողմից: