  ՀՀ և Հնդկաստանի ՊՆ–ները ստորագրել են 2024-2025 թթ. գործակցության պլանը․ Աշխատանքային խումբ կստեղծվի 15 մայիսի 2024 - 10:33 AMT PanARMENIAN.Net - Մայիսի 14-ին ՊՆ վարչական համալիրում տեղի են ունեցել Հայաստանի և Հնդկաստանի պաշտպանության նախարարությունների միջև առաջին պաշտպանական խորհրդակցությունները՝ ՊՆ պաշտպանական քաղաքականության և միջազգային համագործակցության վարչության պետ Լևոն Այվազյանի և Հնդկաստանի ՊՆ միջազգային համագործակցության հարցերով միացյալ քարտուղար Վիշվեշ Նեգիի նախագահությամբ: Խորհրդակցությունների ավարտին ստորագրվել է դրանց արդյունքների վերաբերյալ արձանագրություն, որով նախատեսվել է երկկողմ պաշտպանական գործակցության հարցերով համատեղ աշխատանքային խումբ ստեղծել, հաստատվել է Հայաստանի և Հնդկաստանի պաշտպանության նախարարությունների միջև 2024-2025 թթ. գործակցության պլանը։ Խորհրդակցություններին մասնակցել է նաև ՀՀ-ում Հնդկաստանի արտակարգ և լիազոր դեսպան Նիլակշի Սահա Սինհան ու ռազմական կցորդ, բրիգադի գեներալ Նավին Նիջհավանը: Խորհրդակցությունների ընթացքում քննարկվել են պաշտպանության ոլորտում Հայաստան-Հնդկաստան համագործակցության ընթացքն ու զարգացման հեռանկարները՝ ներառյալ ռազմատեխնիկական, անձնակազմի ռազմական կրթության ու մարտավարական պատրաստության, փորձի փոխանակման և այլ բնագավառներում: Քննարկվել են նաև տարածաշրջանային անվտանգությանն առնչվող հարցեր։ Լևոն Այվազյանը ներկայացրել է ՀՀ զինված ուժերում ընթացող բարեփոխումները։ Հնդկաստանի ԶՈՒ պատվիրակությունն այցելեց Հայոց ցեղասպանության հուշահամալիր։ Հնդկաստանից ժամանած պատվիրակության անդամները ծաղիկներ դրեցին անմար կրակի մոտ և մեկ րոպե լռությամբ հարգեցին Հայոց ցեղասպանության անմեղ զոհերի հիշատակը: Հյուրերը շրջեցին նաև Հայոց ցեղասպանության թանգարանում։   Ուշագրավ Նա ասել է, որ այդ հարցը ճիշտ չէ փոխկապակցել խաղաղության պայմանագրի ստորագրման հարցի հետ «Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել»   Ամենաընթերցվողը բաժնում |  Վերջին լուրեր Պուտինն Ալիևի հետ խոսել է ենթակառուցվածքային համատեղ ծրագրերից՝ առաջնային համարելով Հյուսիս–հարավը  Նա նշել է, որ երկրները գործում են 2022–ի ավարտին ստորագրված պայմանագրի հիման վրա«Ոսկե ծիրանի» տնօրեն․ Սփեյսին ՀՀ է հրավիրվել բացառապես իր մասնագիտական որակների համար Սփեյսիի հետ հանդիպումը տեղի կունենա հուլիսի 9-ին, մուտքն ազատ էԱզնավուրի 100-ամյակին նվիրված «Շառլ Ազնավուրի կինոաշխարհը» ցուցադրություն կբացվի Գյումրիում Ցուցադրության ավարտից հետո ամբողջ հավաքածուն կնվիրաբերվի Երևանի Շառլ Ազնավուրի թանգարանինՀրազենային վնասվածքից պայմանագրային է մահացել Դեպքի հանգամանքներն ամբողջովին պարզելու նպատակով ընթանում է քննություն |
