Էրդողանը հրատապ հանդիպում է անցկացրել՝ նրան հայտնել են ռազմական հեղաշրջման փորձի հավանականության մասին15 մայիսի 2024 - 12:33 AMT PanARMENIAN.Net - Մայիսի 15-ի գիշերը Թուրքիայի նախագահ Ռեջեփ Թայիփ Էրդողանը շտապ նախագահական նստավայր է կանչել Թուրքիայի «Ազգային հետախուզական ծառայության» (MİT) ղեկավար Իբրահիմ Քալընին և Արդարադատության նախարար Յըլմազ Թունչին: Թուրքական մեդիայում շրջանառվող լուրերի համաձայն՝ հրատապ հանդիպումը կապված է եղել վերջին օրերին թուրքական ոստիկանական համակարգի վերին օղակներում ձևավորվող հեղափոխական միտումների հետ: Ավելին, պնդումների համաձայն, հանդիպումը հրավիրվել է այն բանից հետո, երբ Էրդողանին հայտնել են, որ հնարավոր է ռազմական հեղաշրջման փորձ իրականացվի Թուրքիայում, հայտնում է Ermenihaber-ը։ Նշվում է, որ հանդիպման ընթացքում քննարկվել են այդ ուղղությամբ կանխարգելիչ քայլեր իրականացնելու վերաբերյալ հարցեր: Տեղեկություններ կան, որ Էրդողանը թեմայի վերաբերյալ պատրաստվում է ավելի ընդլայնված կազմով քննարկումներ ունենալ մայիսի 15-ին: Թուրք լրագրող Զիյա Օսման Աչըքելը X-ում կատարած գրառմամբ ևս անդրադարձել է թեմային և պնդել, որ Էրդողանը հրատապ հանդիպում է իրականացրել նախագահականում: «Անկարայում ինչ-որ բաներ են տեղի ունենում»,-հավելել է նա: Վերջերս թուրքական կառավարության համար անհանգստացնող խմորումների մասին խոսել էր նաև իշխող «Արդարություն և զարգացում» (ԱԶԿ-AKP) կուսակցության հետ «Ժողովուրդ» (Cumhur) դաշինքի մեջ գտնվող «Ազգայնական շարժում» (ԱՇԿ-MHP) կուսակցության նախագահ Դեվլևթ Բահչելին: «Եթե մենք ենթարկվենք նրանց, ովքեր ծրագրում են կրկնել հեղաշրջման փորձը ոստիկանական և դատական համակարգում ունեցած իրենց 17-25 հոգու հասնող համախոհների հետ, ապա ամո՛թ մեզ»,-ասել էր նա: Հայտարարությունը հաջորդել էր մի շարք բարձրաստիճան ոստիկանների տներում խուզարություններ անելու և աշխատանքից ազատելու դեպքերին: Նրանք մեղադրվել են Թուրքիայի կողմից հանցագործ կազմակերպություն ճանաչված «Ayhan Bora Kaplan»-ի հետ համագործակցելու մեջ: Ուշագրավ Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ Ըստ Յուսուբովի, այդ մարդիկ պետկառույցների աշխատակիցներ են և գործարարներ Կողմերը քննարկելու են նաև համագործակցությունը նավթագազային ոլորտում Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում Ամենաընթերցվողը բաժնում | «Ոսկե ծիրանի» տնօրեն․ Սփեյսին ՀՀ է հրավիրվել բացառապես իր մասնագիտական որակների համար Սփեյսիի հետ հանդիպումը տեղի կունենա հուլիսի 9-ին, մուտքն ազատ է ՀՀ վարչապետն ու ԱՄՆ կոնգրեսականները կարևորել են կապերի խորացումը տարբեր ոլորտներում Մտքեր են փոխանակվել Հայաստանի և Ադրբեջանի միջև խաղաղության պայմանագրի վերաբերյալ ԱԽ քարտուղար. Նոր ատոմակայանի կառուցման հարցը մտել է առարկայական փուլ, գնդակն ԱՄՆ դաշտում է Նա նշել է, որ մեկից կախվածությունը պետք է փոխարինել շատերից կախվածության Ազնավուրի 100-ամյակին նվիրված «Շառլ Ազնավուրի կինոաշխարհը» ցուցադրություն կբացվի Գյումրիում Ցուցադրության ավարտից հետո ամբողջ հավաքածուն կնվիրաբերվի Երևանի Շառլ Ազնավուրի թանգարանին |