ՀՀ-ն ընտրվել է ՄԱԿ-ի տնտեսական և սոցիալական խորհրդի անդամ 8 հունիսի 2024 - 11:32 AMT PanARMENIAN.Net - Հունիսի 7-ին Նյու Յորքում ՄԱԿ Գլխավոր վեհաժողովի նիստի ընթացքում կայացած ընտրությունների արդյունքում Հայաստանն ընտրվել է Տնտեսական և սոցիալական խորհրդի անդամ 2025-2027 թթ․ ժամանակահատվածի համար։ Արևելաեվրոպական երկրների տարածաշրջանային խմբին խորհրդի ընտրություններում հատկացված երկու թափուր տեղի համար ներկայացված էին երեք երկրի՝ Հայաստանի, Բոսնիա և Հերցոգովինայի ու Ադրբեջանի թեկնածությունները: Փակ գաղտնի քվեարկության արդյունքում Հայաստանը, ստանալով 148 ձայն, ընտրվել է խորհրդի անդամ։ Ընտրվելու համար անհրաժեշտ էր ստանալ անդամ երկրների երկու երրորդի քվեն, այն է՝ 125 ձայն։ ՄԱԿ տնտեսական ու սոցիալական խորհրդին իր անդամակցության շրջանակներում Հայաստանը ջանքեր է գործադրելու իր հանձնառությունները և առաջնայնություններն իրականացնելու ուղղությամբ, այն է՝ Կայուն զարգացման 2030 Օրակարգի իրականացումը, մարդկային կապիտալի զարգացումը, կանանց և երիտասարդների տնտեսական կարողությունների ամրապնդումը, դեպի ծով ելք չունեցող զարգացող երկրների և միջին եկամուտ ունեցող երկրների առաջնայնությունների առաջ մղումը, կլիմայի փոփոխության դեմ պայքարը։ Տնտեսական և սոցիալական խորհուրդը, որի կենտրոնակայանը գտնվում է Նյու Յորքում, հանդիսանում է ՄԱԿ-ի հիմնական մարմիններից մեկը։ Այն բաղկացած է ՄԱԿ անդամ 54 երկրներից և զբաղվում է կայուն զարգացման տնտեսական, սոցիալական և բնապահպանական հարթությունների առաջմղման հարցերով։ Ուշագրավ «Դեռևս վաղ է այդ մասին խոսելը»,–ասել է նա Մշակվում է Հավաքական անվտանգության խորհրդի որոշման նախգիծը Նա սուտ է անվանել այդ տեղեկությունները
Նրանք նաև կոչ են արել դադարեցնել Ադրբեջանին ցանկացած ռազմական օգնության | Հանցավոր խումբը խարդախությամբ հափշտակել է միայնակ և անժառանգ անձանց բնակարանները. 7 կալանավորված կա Հափշտակությունների հետևանքով քաղաքացիներին պատճառվել է ընդհանուր 52,162,500 դրամի վնաս ACHA-ի խորհրդի նիստում բարձրաձայնվել է հայկական մշակութային ժառանգության պահպանության խնդիրը Վանյանը նաև անդրադարձ է կատարել հայ-չինական հազարամյա պատմամշակութային առնչություններին Փորձագետ․ Բոլոր քաղաքացիներին ՆԳՆ-ում նստած հետևելու են, իսկ ո՞վ է վերահսկելու վերահսկողներին «Որտե՞ղ են հստակ երաշխիքները, որ պետությունը չի օգտագործելու, օրինակ, քաղաքական դրդապատճառներից ելնելով»,–ասել է նա Միրզոյան․ Պատրաստ ենք 1 ամսում ամբողջացնել խաղաղության պայմանագրի նախագիծը, Բաքուն նոր օրակարգեր է առաջ բերում Միրզոյանը կարևոր է համարել Ադրբեջանի հետ մեկնարկած սահմանազատման գործընթացի շարունակականությունը |