Զախարովա․ ՌԴ–ն չի հրաժարվում ՀՀ հետ ռազմատեխնիկական շփումներից, բայց սահմանափակումներ կան 19 հունիսի 2024 - 17:42 AMT PanARMENIAN.Net - ՌԴ ԱԳՆ պաշտոնական ներկայացուցիչ Մարիա Զախարովան հայտարարել է, որ Մոսկվան չի հրաժարվում Երևանի հետ շփումներից ռազմատեխնիկակն ոլորտում, դրանք տեղի են ունենում կանոնավոր կերպով՝ չժխտելով, սակայն, որ կան որոշակի սահմանափակումներ։ «Ինչ վերաբերում է Հայաստանի հետ շփումներին ռազմատեխնիկական ոլորտում, ապա մենք չենք հրաժարվել։ Դրանք անցկացվում են կանոնավոր կերպով և մենք ոչ մի բողոք մյուս կողմից չենք տեսել»,–ասել է նա, գրում է ՏԱՍՍ–ը։ Նա հստակեցրել է, որ ներկայումս ռազմական նշանակության արտադրանքի առաքումները ՌԴ–ից արտերկիր իրականցվում են՝ հաշվի առնելով ռուսական կողմի կարիքները Ուկրաինայի հետ պատերազմում։ «Առկա սահմանափակումները սպառազինության և ռազմատեխնիկայի որոշ տեսակների համար վերաբերում են ռազմատեխնիկական համագործակցությանը ոչ միայն Հայաստանի, այլ նաև մեր մյուս գործընկերների հետ»,–պարզաբանել է Զախարովան Ավելի վաղ ԱԽ քարտուղար Արմեն Գրիգորյանը հայտարարել էր, որ 2020–ի տվյալներով Հայաստանի ռազմատեխնիկական համագործակցության 96 տոկոսը Ռուսաստանի հետ էր, 2021 թվականի հունվարից հետո տարբեր երկրների հետ մի քանի միլիարդ դոլարի պայմանագրեր են կնքվել, որոնց մեջ Ռուսաստանի ծավալը 10 տոկոսից էլ ցածր է։   Ուշագրավ Նա այդ մասին խոսել է ԱԶԿ խորհրդարանական խմբակցության հետ հանդիպման ժամանակ «Մնացած չլուծված հարցերի շուրջ, կարծում եմ, հեշտությամբ կարելի է պայմանավորվել»,- ասել է Նշվել է, որ 15 անձի նկատմամբ հետաքննությունն ավարտվել է։ «Դեռևս վաղ է այդ մասին խոսելը»,–ասել է նա   |  Վերջին լուրեր ՀՀ-ն և Զարգացման ֆրանսիական գործակալությունը 75 մլն եվրոյի վարկային համաձայնագիր են ստորագրել  Ծրագրի նպատակն է աջակցել Հայաստանի կառավարությանը2025–ին Ճապոնիայում առաջին Թումո կենտրոնը կբացվի Կենտրոնը 21-րդ դարի հմտություններով կապահովի 1000 պատանիներիԵՄ–ն լրացուցիչ 10 մլն եվրո կհատկացնի Ադրբեջանին ականազերծման համար Գումարը կտրամադրվի 2024-2025թթ․ համար |
