Վարչապետ․ Ո՞վ Ռուբեն Վարդանյանին գործուղեց ՀՀ, ԼՂ, հետո ասաց՝ լավ չենք ճանաչում 31 օգոստոսի 2024 - 15:27 AMT PanARMENIAN.Net - Վարչապետ Նիկոլ Փաշինյանն, անդրադառնալով Արցախի նախկին պետնախարար Ռուբեն Վարդանյանին ադրբեջանական գերությունից վերադարձնելու հարցին, ասել է, որ այդ պարագայում կան շատ կարևոր հարցեր՝ ինչպե՞ս ստացվեց, որ Ռուբեն Վարդանյանը հրաժարվեց ՌԴ քաղաքացիությունից, ո՞վ նրան գործուղեց ՀՀ, ԼՂ, հետո ասաց՝ լավ չենք ճանաչում։ «Ո՞վ նրան խորհուրդ տվեց, կամ հանձնարարեց անել այդ քայլը, ո՞վ նրան ուղարկեց, այդ իմաստով, գործուղեց ՀՀ, ԼՂ, ի՞նչ հավաստիացումներով, ի՞նչ երաշխիքներով, և ո՞վ վերջում ասաց, որ նրան լավ չի ճանաչում և նա այլ երկրի քաղաքացի է, ոչինչ անել չեն կարող: Այս հարցերին մենք ուզո՞ւմ ենք պատասխան ստանալ, թե՞ ոչ»,–ասել է նա։ Վարչապետը հավելել է, թե հիմա չի ուզում այլ լրացուցիչ բարդությունների մասին խոսել, մանրամասներ հայտնել, բայց կարևոր է նշել, որ խաղաղության օրակարգի հաջող իրականացումը նաև այդ հարցի համար է կարևոր: «Կարևոր է հաջող ընթացքը, նորմալ աշխատանքային մթնոլորտը, փոխվստահությունը։ Նկատի ունեմ, որ որևէ հարց այս բարդ մեխանզիմի մեջ չի կարելի դիտարկել առանձին, որովհետև բոլոր հարցերը փոխկապակցված են»,- ասել է Փաշինյանը։ 2022 թվականի սեպտեմբերին Ռուբեն Վարդանյանը հայտարարեց Արցախի Հանրապետություն տեղափոխվելու մասին։ Որոշ ժամանակ անց՝ 2022թ. նոյեմբերի 4-ին նա ստանձնեց Արցախի Հանրապետության պետնախարարի պաշտոնը: 2023թ. փետրվարի 23 -ին Ռուբեն Վարդանյանին ազատեցին պետնախարարի պաշտոնից, բայց նա շարունակեց մնալ Արցախում և իր հիմնադրած «Մենք ենք մեր սարերը» գործակալության միջոցով բարեգործական ու սոցիալական մի շարք ծրագրեր իրականացնել։ Նա շրջափակման մեջ գտնվող արցախցիների կողքին գտնվել է մինչև վերջ և, 2023թ. սեպտեմբերի 19-ին Ադրբեջանի կողմից ռազմական գործողություններից հետո, արցախցիների հետ միասին ստիպված է եղել լքել Ստեփանակերտը՝ շարժվելով դեպի Հայաստան: 2023 թվականի սեպտեմբերի 27-ին, Հայաստանի սահմանի մոտ, Հակարի կամրջի անցակետում Վարդանյանն ապօրինաբար կալանավորվել է Ադրբեջանի կողմից և մինչ օրս գտնվում է Բաքվի բանտում: Ռուբեն Վարդանյանն առաջադրվել է 2024 թ. Խաղաղության Նոբելյան մրցանակի իր բարեգործական և մարդասիրական գործունեության համար:   Ուշագրավ Նա ասել է, որ աշխատելու է Մոսկվայի և Երևանի հարաբերությունների կարգավորման վրա Նստաշրջանը կայանալու է նոյեմբերին Նրա խոսքով, աշխարհում իրավիճակը բավականին բարդ է, տարածաշրջանում` առավել ևս   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
