  Հայաստանն ու Սերբիան մտադիր են զարգացնել առեւտրատնտեսական համագործակցությունը29 հուլիսի 2009 - 20:39 AMT PanARMENIAN.Net - ՀՀ էկոնոմիկայի նախարար Ներսես Երիցյանը հուլիսի 29-ին ընդունել է Սերբիայի Հանրապետության առեւտրի եւ ծառայությունների նախարար Սլոբոդան Միլոսավլեվիչին` Սերբիայի նախագահի խորհրդական Բիզերկա Եվտիմիեվիչ-Դրինյակովիչի եւ Հունաստանում Սերբիայի դեսպանության առաջին խորհրդական Դրագան Պետրովիչի ուղեկցությամբ, հաղորդում է նախարարության մամլո ծառայությունը: Նախարարների միջեւ ծավալված զրույցի ընթացքում քննարկվել է երկկողմ հետաքրքրություն ներկայացնող հարցերի լայն շրջանակ, կարեւորվել է տնտեսության ոլորտում փոխշահավետ հարաբերությունների ընդլայնման ու խորացման անհրաժեշտությունը՝ մասնավորապես տեղեկատվական տեխնոլոգիաների, գյուղատնտեսության, սննդամթերքի արտադրության, դեղագործության, զբոսաշրջության եւ այլ ոլորտներում: Ն. Երիցյանը եւ Ս. Միլոսավլեվիչը նաեւ կարծիքներ են փոխանակել համատեղ ծրագրերի կազմակերպման հնարավորությունների վերաբերյալ: Երկու երկրների նախարարներն ընդգծել են իրենց պատրաստակամությունը` աջակցել Հայաստանի եւ Սերբիայի միջեւ ձեւավորվող առեւտրատնտեսական հարաբերությունները խթանող ցանկացած նախաձեռնությանը: «Հայաստանի եւ Սերբիայի ժողովուրդները ծանոթ չեն միմյանց մշակույթին, ազգային ավանդույթներին, առեւտրային եւ գործարար հնարավորություններին: Այդ իսկ պատճառով անհրաժեշտ է ավելի խորը ուսումնասիրություններ կատարել եւ արդյունավետ փոխգործակցության համար լայն հնարավորություններ ստեղծել», - ասել է Սերբիայի առեւտրի եւ ծառայությունների նախարարը: ՀՀ էկոնոմիկայի նախարար Ներսես Երիցյանը կարեւորել է հետաքրքրություն ներկայացնող ոլորտների վերաբերյալ տեղեկատվության փոխանակումը եւ առաջարկել զբոսաշրջային օպերատորների, լրագրողների եւ գործարարների փոխայցելություններ կազմակերպել` համագործակցության հնարավորությունները տեղում ուսումնասիրելու համար: Հանդիպման ավարտին կողմերը քննարկել են նաեւ առաջիկայում գործարար համաժողով կազմակերպելու հարցը:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Բաժիններ թեմայով Վերջին լուրեր Հանցավոր խումբը խարդախությամբ հափշտակել է միայնակ և անժառանգ անձանց բնակարանները. 7 կալանավորված կա  Հափշտակությունների հետևանքով քաղաքացիներին պատճառվել է ընդհանուր 52,162,500 դրամի վնասACHA-ի խորհրդի նիստում բարձրաձայնվել է հայկական մշակութային ժառանգության պահպանության խնդիրը Վանյանը նաև անդրադարձ է կատարել հայ-չինական հազարամյա պատմամշակութային առնչություններինՓորձագետ․ Բոլոր քաղաքացիներին ՆԳՆ-ում նստած հետևելու են, իսկ ո՞վ է վերահսկելու վերահսկողներին «Որտե՞ղ են հստակ երաշխիքները, որ պետությունը չի օգտագործելու, օրինակ, քաղաքական դրդապատճառներից ելնելով»,–ասել է նաՄիրզոյան․ Պատրաստ ենք 1 ամսում ամբողջացնել խաղաղության պայմանագրի նախագիծը, Բաքուն նոր օրակարգեր է առաջ բերում Միրզոյանը կարևոր է համարել Ադրբեջանի հետ մեկնարկած սահմանազատման գործընթացի շարունակականությունը |
