Իլոնա Վիկլանդ. «Կարլսոնը փարիզեցի է»19 նոյեմբերի 2009 - 18:58 AMT PanARMENIAN.Net - «1955 թ. Աստրիդ Լինդգրենը Կարլսոնի մասին գիրքն ավարտելուց հետո, ինձ ուղարկեց ձեռագիրը, որպեսզի ես կարողանամ նկարել Կարլսոնին: Որոշ ժամանակ անց ես նրան ուղարկեցի իմ ստեղծած Կարլսոնի կերպարը: Այն դիտելով, Լինդգրենը ասաց.« Ոչ, սա իմ Կարլսոնը չէ»: Դրանից հետո ես 6 ամիս ապրեցի Փարիզում` փնտրելով Կարլսոնին այդ քաղաքում: Եվ մի օր փողոցում տեսնում եմ մի մարդու` գզգզված մազերով, կոմբինեզոնը հագին: «Ահա Կարլսոնը», - բացականչեցի մտքումս: Այնպես որ, նա ծնվել է Փարիզում», - պատմեց հեքիաթագիր Աստրիդ Լինդգրենի հայտնի գրքի ձեւավորող Իլոնա Վիկլանդը «Կարլսոնը, որ կարողանում է թռչել» ցուցահանդեսի բացմանը: Իլոնա Վիկլանդի աշխատանքների ցուցահանդեսը անցկացվում է Երեւանի ազգային էսթետիկական կենտրոնում եւ ցուցադրվելու է մինչեւ դեկտեմբերի 3-ը: Ցուցահանդեսը կազմակերպել են` ԵՄ շվեդակական ներկայացուցչությունը, ՀՀ-ում Էստոնիայի հյուպատոսությունը, «Հայաստանի պատանիների նվաճումները» կազմակերպությունը, որն իրականանում է Երեխաների պաշտպանության միջազգային համաժողովին նվիրված միջոցառումների շրջանակում: «Ես ուրախ եմ, որ մենք Հայաստանի հասարակությանը հնարավորություն ենք տալիս գալու եւ շփվելու ամենասիրելի մուլտֆիլմերից մեկի հերոսների հետ` շնորհիվ Իլոնա Վիկլանդի սեղծած կերպարի: Միջոցառումը մեզ նաեւ հնարավորություն կտա մեկ անգամ եւս ընդգծելու ու հասարակության ուշադրությունը սեւեռելու երեխաների պաշտպանության իրավունքների վրա», - հայտարարեց Շվեյցարիայի դեսպան Հանս Գունար Ադենը: Ցուցահանդեսի բացմանը ներկայացվում էին նաեւ մանրանկարչությամբ զբաղվող աշակերտների պատրաստած աշխատանքները` նվիրված երեխաների պաշտպանությանը: «Երկու ամսվա ընթացքում Հայաստանի տարբեր շրջանների 20 դպրոցների աշակերտներ մասնակցել են մեր կազմակերպության անցկացրած մրցույթին: Թիմերը քննարկել են երեխաների իրավունքները, ապա ներկայացրել են երեխաների իրավունքներին նվիրված փոքրիկ բեմադրություններ», - հայտարարեց «Հայաստանի պատանիների նվաճումները» կազմակերպության տնօրեն Արմինե Հովհաննիսյանը: Նրա խոսքերի համաձայն, հաղթող են ճանաչվել երեք թիմ, որոնք «Օրրան» կենտրոնի, Աշոտ Ղազարյանի «Հումորի դպրոցի» սաների հետ միասին ներկայացրել են հաղթանակած տեսարանները: Բեմադրություններին մասնակցել են նաեւ հանրաճանաչ դերասաններ Հրանտ Թոխաթյանը, Աշոտ Ղազարյանը եւ Զառա Արամյանը: Ուշագրավ Փեյնի հեղինակած 8 լիամետրաժ ֆիլմերն առաջադրվել են ընդհանուր թվով 24 Օսկարի Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ամենաընթերցվողը բաժնում | Բեգլարյան. Արցախի ինքնորոշման իրավունքը ոտնահարած իշխանությունները հայտարարել են Պաղեստինի ճանաչման մասին «Երևի հաջորդ հեգնական դրվագը կլինի Պաղեստինի տեղահանված ժողովրդի վերադարձի անհրաժեշտության մասին հայտարարելը»,–գրել է նա Սաուդյան Արաբիան, Եգիպտոսը, Քուվեյթը և արաբական այլ երկրներ ողջունել են ՀՀ կողմից Պաղեստինի ճանաչումը Հայաստանի որոշումը ողջունել են նաև Օմանի Սուլթանությունը, Պաղեստինի ԱԳՆ-ն, Հորդանանը Միրզոյանն ու Հորդանանի փոխվարչապետը խոսել են Մերձավոր Արևելքում ու Հրվ. Կովկասում վերջին զարգացումների մասին Փոխվարչապետը ողջունել է Հայաստանի կողմից Պաղեստինի պետության ճանաչումը Երևանում անօրինական գովազդային թռուցիկներ փակցնողները կտուգանվեն Տուգանքը կիրառվում նվազագույն աշխատավարձի մինչև 100-ապատիկի չափով |