Հայաստանն ու Ադրբեջանը 2012թ. ֆուտբոլի ԵԱ նախընտրական մրցաշարում չեն հանդիպի

PanARMENIAN.Net -
Վարշավայում կայացավ 2012թ. ֆուտբոլի Եվրոպայի առաջնության նախընտրական մրցաշարի վիճակահանության արարողությունը: Հայաստանի հավաքականը մտավ B խմբի մեջ եւ իր ուժերը կչափի Ռուսաստանի, Սլովակիայի, Իռլանդիայի, Մակեդոնիայի ու Անդորրայի հավաքականների հետ:



Որակավորման մրցաշարի 51 մասնակիցները բաժանվել են ինը խմբերի: Նախընտրական շրջանը կմեկնարկի 2010 թվականի սեպտեմբերին եւ կավարտվի 2011-ի նոյեմբերին: Հավաքականները կմրցեն եզրափակիչ փուլի 14 ուղեգրերի համար, եւս երկու տեղեր ինքնաբերաբար կստանան առաջնության հյուրընկալող թիմերը:



Մեկ խմբի թիմերը միմյանց հետ մեկական հանդիպումներ կանցկացնեն տանը եւ դրսում: Եզրափակիչ փուլ ուղղակիորեն դուրս կգան ինը խմբերի հաղթողներն ու լավագույն ցուցանիշներով երկրորդ տեղը զբաղեցրած հավաքականը: 2011 թվականի նոյեմբերին մնացած չորս ուղեգրերը փլեյ-օֆֆ մրցակարգով կխաղարկվեն երկրորդ տեղը զբաղեցրած մնացած ութ թիմերի միջեւ:



ԵԱ-2012 նախընտրական մրցաշար`



A խումբ` Գերմանիա, Թուրքիա, Ավստրիա, Բելգիա, Ղազախստան, Ադրբեջան

B խումբ` Ռուսաստան, Սլովակիա, Իռլանդիա, Մակեդոնիա, Հայաստան, Անդորրա

C խումբ` Իտալիա, Սերբիա, Հյուսիսային Իռլանդիա, Սլովենիա, Էստոնիա, Ֆարերյան կղզիներ

D խումբ` Ֆրանսիա, Ռումինիա, Բոսնիա եւ Հերցեգովինա, Բելոռուսիա, Ալբանիա, Լյուքսեմբուրգ

E խումբ` Հոլանդիա, Շվեդիա, Ֆինլանդիա, Հունգարիա, Մոլդավիա, Սան-Մարինո

F խումբ` Խորվաթիա, Հունաստան, Իսրայել, Լատվիա, Վրաստան, Մալթա

G խումբ` Անգլիա, Շվեյցարիա, Բուլղարիա, Ուելս, Չեռնոգորիա

H խումբ` Պորտուգալիա, Դանիա, Նորվեգիա, Կիպրոս, Իսլանդիա

I խումբ` Իսպանիա, Չեխիա, Շոտլանդիա, Լիտվա, Լիխտենշտեյն