Հայաստանի գանդբոլի մինչև 17 տարեկան աղջիկների հավաքականը ելույթ կունենա Եվրոպայի առաջնության նախընտրական մրցաշարում26 փետրվարի 2011 - 15:56 AMT PanARMENIAN.Net - Մարտի 24-ից 27-ը Ռումինիայի Յասսի քաղաքում տեղի կունենա գանդբոլի Եվրոպայի մինչև 17 տարեկանների առաջնության նախընտրական մրցաշարը, որին կմասնակցի նաև Հայաստանի հավաքականը: Նրա մրցակիցները կլինեն Հոլանդիայի, Իսրայելի հավաքականներն ու առաջնության հյուրընկալողները, հաղորդում է Հայաստանի Գանդբոլի ֆեդերացիայի պաշտոնական կայքը: Հայաստանի հավաքականն այս առաջնությանը պատրաստվում է սկսած 2010 թվականի սեպտեմբերից: Հավաքականի գլխավոր մարզիչ Աստղիկ Գյուրջինյանի խոսքով, թիմում հիմնականում հանդես են գալիս մինչև 16 տարեկան մարզուհիներ: Այժմ Հայաստանում 15 աղջիկ է մարզվում, իսկ ևս 5-ը պատրաստվում են Ֆրանսիայում: Մարտի սկզբին հավաքականը կմեկնի Ֆրանսիա, որտեղ կշարունակի մարզումներն ամբողջական կազմով: Դրանից հետո պարզ կդառնան այն մարզուհիների անունները, որոնք էլ կմեկնեն Ռումինիա: «Մեր մրցակիցներից մենք ծանոթ ենք Ռումինիայի հավաքականի հետ և գիտենք, որ դա ուժեղ թիմ է: Մեր մարզուհիներն առաջին անգամ են մասնակցելու նման խոշոր առաջնության, և մեր գլխավոր խնդիրը լավ ելույթ ունենալն է: Բոլորը մեծ պատասխանատվությամբ են պատրաստվում մրցաշարին, մեր միակ խնդիրը նրանում է, որ մենք մրցակիցների համեմատ խաղի մեծ փորձ չունենք»,- ասել է հավաքականի մարզիչը: Առաջնությունից հետո հավաքականը Վրաստան կմեկնի, որտեղ ստուգողական հանդիպումներ կանցկացնի այդ երկրի հավաքականի հետ: ![]() ![]() Ավելի վաղ Եվրոպայի առաջնության փոխչեմպիոն էր դարձել Բարեղամ Հարությունյանը Ավելի վաղ եզրափակիչ էին դուրս եկել Արթուր Ավետիսյանն ու Վահագն Դավթյանը Ազատ ծրագիրը նախատեսված է հունվարի 12-ին Ազատ ոճի ըմբշամարտի Հայաստանի պատանեկան հավաքականը թիմային հաշվարկում զբաղեցրել է 3-րդ հորիզոնականը ![]() ![]() | ![]() ![]() ![]() ![]() ![]() ![]() ![]() ![]() ![]() |