  2012 թվականին Բիբլոս Բանկ Արմենիայի ուշադրության կենտրոնում կլինի փոքր և միջին բիզնեսի ֆինանսավորումը 28 դեկտեմբերի 2011 - 21:05 AMT PanARMENIAN.Net - Բիբլոս Բանկ Արմենիան 2011 թվականին հաջողությամբ ավարտին է հասցրել ֆինանսական միջազգային գործարքներ և նախատեսում է նորերը` միտված Հայաստանում փոքր և միջին բիզնեսի զարգացմանը: Մասնավոր բիզնեսներին տրամադրվող ֆինանսավորման մատչելիությունը խթանելու համար Բիբլոս Բանկ Արմենիան համագործակցում է նաև Վերակառուցման և Զարգացման Եվրոպական Բանկի (ՎԶԵԲ) հետ: ՎԶԵԲ-ի կողմից 2011 թվականին Բիբլոս Բանկ Արմենիային տրամադրված 5 միլիոն ԱՄՆ դոլար վարկային պայմանագրի շրջանակում ֆինանսավորումը ամբողջապես ստացվել և արդեն տեղաբաշխվել է ՀՀ տնտեսվարող սուբյեկտների միջև` հիմնականում արտադրության, սպասարկման և սննդի վերամշակման ոլորտներին: Բացի այդ, վերջերս Բիբլոս Բանկ Արմենիայի և Հարավարևելյան Եվրոպայի Եվրոպական Ֆոնդի (EFSE) միջև կնքված պայմանագրի համաձայն` Բանկին տրամադրվել է 875 միլիոն ՀՀ դրամի և 3 միլիոն ԱՄՆ դոլարի չափով վարկ: Այս գումարներն ուղղվելու են Հայաստանում փոքր և միջին բիզնեսի ֆինանսավորմանը: «Ավարտին են մոտեցել Բիբլոս Բանկի և այլ միջազգային ֆինանսական կառույցների հետ բանակցությունները, որոնց արդյունքում բանկին տրամադրվելու է մեծածավալ և երկարաժամկետ ֆինանսավորում գալիք տարվա առաջին եռամսյակում», - նշում է Բիբլոս Բանկ Արմենիայի գլխավոր գործադիր տնօրեն Արարատ Ղուկասյանը: Նրա խոսքով` նոր միջոցները ուղղվելու են փոքր և միջին ձեռնարկությունների, ինչպես նաև հիպոթեքային ֆինանսավորման ծրագրերին:   Ուշագրավ Ուսումնասիրությունները մեկնարկել են Փաշինյանի հանձնարարությամբ Երասխում պողպատի գործարանի կառուցման համար ընկերությունը ներդրել էր 2 միլիարդ դրամ Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը Կապահովվի խաղողի մթերումների գործընթացի կազմակերպումը   |  Վերջին լուրեր Ավինյան․ Նորագյուղի ամբողջական վերակառուցման շրջանակում անդրադառնալու ենք նաև Երևանյան լճին  Նա հույս է հայտնել, որ «շատ հետաքրքիր միջավայր ենք ստանալու Երևանյան լճի հարակից տարածքումՄիրզոյանն ու Ֆիդանը հեռախոսազրույցում քննարկել են տարածաշրջանային զարգացումները Անդրադարձ է կատարվել Հայաստանի և Թուրքիայի միջև հարաբերությունների կարգավորման գործընթացինARARAT-ն ու «Ոսկե ծիրանը» ARARAT թանգարանում հատուկ ցուցադրություն են բացել Գորգերի ցուցադրությունն ARARAT թանգարանում բաց կլինի մինչև օգոստոսի 1-ը, մուտքն ազատ էՀՀ-ում տարեկան մոտ 3000 կենցաղային այրվածքի դեպք է գրանցվում Մեծ մասը երեխաներ են, որոնց 95%-ի պատճառը կենցաղային այրվածքն է |
