ՌՈԲԵՐՏ ՔՈՉԱՐՅԱՆՆ ԱՆՀԱՆԳՍՏԱՑԱԾ Է ՌՈՒՍԱՍՏԱՆԻ ՀԱՐԱՎՈւՄ ԱՊՐՈՂ ՀԱՅԵՐԻ ԽՆԴԻՐՆԵՐՈՎՀայաստանի նախագահի պաշտոնական այցը Ռուսաստան կավարտվի Կրասնոդարի երկրամաս այցելությամբ: Սկսվել է Հայաստանի նախագահի պաշտոնական այցը Ռուսաստան: Ռոբերտ Քոչարյանը Մոսկվայում կմնա երկու օր, այնուհետեւ կմեկնի Կրասնոդար: Հատկանշական է, որ նախագահի այցը համընկել է Հայաստանում նախընտրական արշավի պաշտոնական սկզբի հետ: Երեւանում վերլուծաբաններն այս այցը համարում են նախընտրական արշավի մի մաս: Իսկ այն փաստը, որ այցը կայացել է Վլադիմիր Պուտինի հրավերով, մեկնաբանվում է որպես գործող նախագահի թեկնածության աջակցություն Կրեմլի կողմից ![]() PanARMENIAN.Net - Հայաստանի ղեկավարը Մոսկվա է ժամանել Քյոլնից, որտեղ եւ ավարտվել էր նրա այցը Գերմանիա: ԳՖՀ-ի քաղաքական ղեկավարության հետ քննարկվեցին ղարաբաղյան հակամարտության կարգավորման, Եվրամիությանը Հայաստանի անդամակցության հեռանկարների, ինչպես նաեւ` հայ-գերմանական տնտեսական հարաբերությունների զարգացման հետ կապված հարցեր: Մոսկվայում քննարկվելիք հարցերի շրջանակն առավել ընդգրկուն է: Հայ-ռուսական բանակցությունների ընթացքում շոշափվելիք թեմաների մասին կարելի է դատել Ռոբերտ Քոչարյանին ուղեկցող պատվիրակության կազմից: Նրա հետ Ռուսաստանի մայրաքաղաք են ժամանել պաշտպանության, արտաքին գործերի, առեւտրի եւ տնտեսական զարգացման, էներգետիկայի, մշակույթի նախարարները, Կենտրոնական բանկի նախագահը, Ազգային ժողովի պատգամավորներ, մշակույթի առաջավոր գործիչներ: Բացի Վլադիմիր Պուտինի եւ Միխայիլ Կասյանովի հետ բանակցություններից, նախատեսված է Հայաստանի նախագահի հանդիպումները Ֆեդերալ ժողովի երկու պալատների ղեկավարների հետ, Մոսկվայի քաղաքապետի եւ «Իտերա» ընկերության նախագահի հետ: Ռոբերտ Քոչարյանը պատրաստվում է նաեւ հանդիպել ռուսական զանգվածային լրատվամիջոցների ներկայացուցիչների հետ: Լրագրողների հարցերին նա կպատասխանի ԻՏԱՌ-ՏԱՍՍ-ի դահլիճում: Այսօր կկայանա Հայաստանի եւ Ռուսաստանի նախագահների համատեղ մամլո-ասուլիսը: Այցի ոչպաշտոնական մասում նախատեսվում է այցելություն Համառուսական ցուցասրահում գործող «Հայաստան» բաժին, Ռուսաստանի արվեստի գործիչների հետ հանդիպում: Ռոբերտ Քոչարյանը եւ Վլադիմիր Պուտինը ներկա կլինեն Մեծ թատրոնում կայանալիք հայ տաղանդավոր կոմպոզիտոր Արամ Խաչատրյանի ծննդյան 100 ամյակին նվիրված համերգին: Այցի ընթացքում կստորագրվեն պաշտպանության, տնտեսության եւ մշակույթի ոլորտներին առնչվող մի քանի փաստաթղթեր: Հատուկ ուշադրություն է հատկացվում էներգետիկայի ոլորտին: Կրկին առաջնային է Հայաստանին գազի եւ միջուկային վառելիքի տրամադրման հարցը: Հայաստանի էներգետիկայի նախարար Արմեն Մովսիսյանի խոսքերով` արդեն իսկ սկզբունքային համաձայնություն է ձեռք բերվել միջուկային վառելիքի դիմաց վճարվող գումարի շուրջ, որը կներկրվի Հայաստան ապրիլի վերջին: Գործարքը կազմում է 11 միլիոն դոլար: Փոխարենը Հայաստանը պարտավորվել է էլեկտրաէներգիա մատակարարել: Այցի ընթացքում կքննարկվեն նաեւ այս գործարքի մանրամասները: Հայաստանի նախագահի այցը համընկնում է նաեւ ԵԱՀԿ Մինսկի խմբի համանախագահների հետ հանդիպմանը: Վաղն առավոտյան Ռոբերտ Քոչարյանը բանակցություններ կվարի Ռուսաստանը, ԱՄՆ եւ Ֆրանսիան ներկայացնող անդամների հետ: Ռուսաստանն անհանգստացած է վերջին շրջանում ղարաբաղյան եւ ադրբեջանական սահմանային գոտում հրադադարի ռեժիմի խախտման դեպքերով: Այս թեման առանցքային կլինի Հայաստանի եւ Ռուսաստանի արտաքին գործերի նախարարների հանդիպման ժամանակ: Մոսկվայում կկայանա նաեւ Ռոբերտ Քոչարյանի հանդիպումը Ռուսաստանի հայերի միության ղեկավարության եւ նրա տարածաշջանային կառույցների առաջնորդների հետ: Միության նախագահը կուղեկցի Երկրի նախագահին Կրասնոդարի երկրամաս այցի ընթացքում: Կուբանում է բնակվում գրեթե ռուսաբնակ հայերի կեսը: Մեկ տարի առաջ Կրասնոդարի սկինխեդների կողմից իրականացրած քաղաքային գերեզմանատան հայկական մասի ավերումից հետո Երեւանում խոսում էին հայերի հանդեպ խտրականության մասին: Սակայն անցյալ տարվա հոկտեմբերին կայացած նահանգապետ Տկաչովի այցը Հայաստան տեղական բնակչությանը հավաստեց նրանում, որ հանցագործ տարրերի գործողությունները ամենեւին կապ չունեն երկրամասի վարած ներգաղթային քաղաքականության հետ: Հայաստանի ղեկավարը կվերադառնա Երեւան շաբաթ օրը: Նույն օրը նրան կտրվի նախագահի թեկնածության վկայականը: Իսկ ուղիղ մեկ ամիս հետո պարզ կդառնա, արդյոք Ռոբերտ Քոչարյանը կշարունակի Մոսկվայում ձեռք բերված համաձայնությունները իրականացնել, թե դրանով արդեն մեկ այլ անձ կզբաղվի: Այն, որ Կրեմլում Հայաստանի առաջնորդի դերում ցանկանում են տեսնել հենց Քոչարյանին, քչերի մոտ է կասկած հարուցում: ![]() ![]() ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով ![]() ![]() ![]() «Խաղի» մեջ վերադառնալու ցանկությամբ ![]() Դրագոմանների ժամանակը ![]() Բարձր պաշտոնից՝ մեղավորի աթոռին ![]() | ![]() ![]() ![]() ![]() ![]() ![]() ![]() ![]() |