  ՋԱՎԱԽՔՈՒՄ 60 ՕՐՎԱ ԸՆԹԱՑՔՈՒՄ ՍԱԱԿԱՇՎԻԼՈՒ ՎԱՐԿԱՆԻՇԸ ԲԱՐՁՐԱՑԵԼ Է 100 ԱՆԳԱՄԸնդամենը երկու ամիս առաջ Վրաստանի հայաբնակ շրջաններում նորընտիր նախագահն ուներ մի քանի հարյուր կողմնակից: «Ջավախքի հայերը համակրում են Միխայիլ Սաակաշվիլուն եւ նրա հետ մեծ հույսեր են կապում»,- ամփոփելով կիրակի օրը կայացած նախագահական ընտրությունների արդյունքները` հայտարարել է Վրաստանի Ախալքալաքի շրջանային խորհրդի նոր ղեկավար Արթուր Երեմյանը: Միաժամանակ, դատելով իրադարձությունների ընթացքից, ամեն ինչ այդքան միանշանակ չէ: Բավարար հիմքեր կան կասկածի տակ դնելու հայ ընտրողների անկեղծությունը:  8 հունվարի 2004PanARMENIAN.Net - Վրացահայերի բացարձակ մեծամասնությունն, իսկապես, քվեարկել է Սաակաշվիլու օգտին: Սակայն եթե համեմատենք քվեարկության արդյունքները նոյեմբերին կայացած խորհրդարանական ընտրությունների արդյունքների հետ, ապա բավականին տարօրինակ պատկեր կստանանք: Հունվարի 4-ին հայաբնակ Սամցխե-Ջավախեթիայում Սաակաշվիլին հավաքել է 100 անգամ ավելի ձայն, քան նոյեմբերի 2-ին: Միխայիլ Սաակաշվիլու կուսակցությունը Ջավախքում պարտվել էր` հավաքելով մեկ տոկոսից պակաս ձայն: Միաժամանակ, նախագահի թեկնածու Սաակաշվիլու օգտին քվեարկել է հայաբնակ շրջանների բնակիչների 97 տոկոսը: Խնդիրն անգամ Սաակաշվիլու անձի հետ կապված չէ: Ենթադրենք, հայ ընտրողը քվեարկել է ոչ թե անձամբ Սաակաշվիլու օգտին, այլ` ազգային շարժումը ղեկավարող անձի: (Ի տարբերություն «Ազգային շարժում» կուսակցության, «Բուրջանաձե- ժողովրդավարներ» դաշինքը կարողացել էր ձեռք բերել հայերի աջակցությունը): Նոյմեբերի 2-ին հայերի բացարձակ մեծամասնությունն արտահայտվել էր Էդուարդ Շեւերդնաձեի եւ Ասլան Աբաշիձեի կուսակցությունների օգտին, իսկ երկու ամիս անց նրանք, գրեթե միաձայն, ընտրում են ընդդիմության ղեկավարին: Առաջին հայացքից պարադոքս է ստացվում: Իրականում հայ ընտրողի «անսկզբունքայնության» պատճառը բավականին չարչրքված է: Ախալքալաքի եւ Նինոցմինդայի բնակիչները ցանկացած իշխանության հանդեպ մշտապես լոյալ են տրամադրված եղել: Ընդ որում, նույնիսկ այն իշխանության հանդեպ, որն ամենադաժան միջոցներով ոտնահարել է նրանց քաղաքացիական իրավունքները եւ ազգային արժանապատվությունը: (Խոսքը Զվիադ Գամսախուրդիայի վարչակարգի մասին է): Եթե թիֆլիսահայերն իրենց բազմակարծություն են թույլ տալիս, ապա ջավախքցիների համար դա անթույլատրելի շքեղություն է: Ամեն գնով իշխանությանը հավատարմություն ցուցաբերելու` ջավախահայերի ձգտումը նրանց անպաշտպանվածության հետեւանքն է: Շրջանի բնակիչները զգուշանում էն, որ եթե իշխանությունները կասկածի տակ դնեն իրենց հավատարմությունը, ապա մայրաքաղաքում հակահայկական տրամադրվածություններն անմիջապես կմեծանան: Ինչո՞ւ գրգռել իշխանությանը.. Լրագրողների հետ զրույցում Միխայիլ Սաակաշվիլին արդեն հայտնել է իր անհանգստությունը` կապված ընտրողի վախեցած միաձայնության հետ, որը հիշեցնում է այն տարիները, երբ առանց մրցակիցների թեկնածուները հավաքում էին ձայների 99.9 տոկոսը: Նախագահական եւ խորհրդարանական ընտրությունների Ջավախքում գրանցված հսկայական տարբերությունը, ենթադրվում է, որ մտածելու տեղիք պետք է տա նորընտիր նախագահին:  Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու Հայաստանը նոյեմբերի 10-ից հետո՝ թվերով    Ուշադրության կենտրոնում Բաժնի այլ նյութերը«Խաղի» մեջ վերադառնալու ցանկությամբ  ՌԴ-ն փորձում է չմարգինալացվել ՀՀ-Ադրբեջան բանակցային գործընթացումԴրագոմանների ժամանակը Դեպի արդիականացված արտաքին քաղաքականությունԲարձր պաշտոնից՝ մեղավորի աթոռին 2018-ի «մեղադրյալները» |  Այլ հոդվածներ Վերջին լուրեր IDBank-ը՝ «Ներս արի» հաղորդման հյուր․ Պատմում ենք idcoin-ի մասին Քննարկման առանցքային թեման idcoin-ն էր՝ IDBank-ի լոյալության նոր միավորըԳյուղապետ․ Կիրանցի այլընտրանքային ճանապարհի երկայնքով նաև պատ է կառուցվում «Պատ էլ են շարում, ճանապարհի երկու կողմով պատ են շարում»,- ասել է ՇահինյանըԵրթևեկության փոփոխություն՝ Գրիգոր Լուսավորչի–Արգիշտիի–Իտալիայի փողոցների խաչմերուկում Հետիոտնային անցումը կտեղափոխվի Ալ. Մյասնիկյանի արձանին հարող ճանապարհահատվածՀՀ բանկերի ղեկավար կազմն այցելել է OVIO-ի տվյալների մշակման կենտրոն Տվյալների մշակման կենտրոնը OVIO ընկերության կողմից կոմերցիոն շահագործման է հանձնվել 2024թ․ մայիսին |
