  Հայաստանը 2006 թվականին` Top-list2006 թվականին Հայաստանը նշեց իր անկախության 15-ամյակը Չգիտես ինչու համարվում է, որ տարվա կտրվածքով կարելի է նշել առավելագույնը 10 նշանակալի իրադարձություն, որոնք ուղղակի կամ անուղղակիորեն անդրադարձել են երկրի քաղաքական կյանքի վրա: Մինչդեռ, եթե այդ իրադարձությունները պայմանականորեն բաժանենք Հայաստանի համար այսպես կոչված Top-list-ի, ապա կստացվի, որ ներքին քաղաքական իրադարձություններից բացի, աշխարհում տեղի են ունեցել փոփոխություններ, որոնք այսպես թե այնպես անուղղակիորեն անդրադարձել են Հայաստանի վրա:  15 հունվարի 2007PanARMENIAN.Net - Ամենակարեւորը` 2006 թվականին Հայաստանը նշեց իր անկախության 15-ամյակը: Բուդապեշտում ցմահ բանտարկության դատապարտվեց հայ սպա Գուրգեն Մարգարյանին կացնահարած Ռամիլ Սաֆարովը, որը 2005 թվականին «տարվա մարդ» էր հայտարարվել Ադրբեջանում: Միջազգային իրադարձությունների շարքին, անշուշտ պետք է դասել ֆրանսիական խորհրդարանի կողմից Հայոց ցեղասպանության ժխտման համար քրեական պատասխանատվություն սահմանող օրենքի ընդունումը, Լեռնային Ղարաբաղի Սահմանադրության վերաբերյալ հանրաքվեն, դեմոկրատների հաղթանակը ԱՄՆ միջանկյալ ընտրություններում եւ ԵՄ-ին Թուրքիայի անդամակցության շուրջ բանակցությունների դադարեցումը: Այս շարքին կարելի է հավելել նաեւ ԱՄՆ կառավարության վերջնական որոշումը Կարս-Ախալքալաք-Թբիլիսի-Բաքու երկաթուղու կառուցման ֆինանսավորումն արգելելու մասին: Ինչ վերաբերում է բուն Հայաստանին, ապա, ցավոք, անցյալ տարվա ամենակարեւոր իրադարձություններից մեկը եղավ «Երեւան-Սոչի» Ա-320 ինքնաթիռի վթարը, որը խլեց 113 մարդու կյանք: 2006 թվականին առաջին անգամ պետական այցով Հայաստան այցելեց Ֆրանսիայի նախագահ Ժակ Շիրակը: Նշենք, որ անկախ Հայաստանի պատմության մեջ նման այցեր չէին եղել: Տարվա ընթացքում երեք անգամ հանդիպեցին Հայաստանի եւ Ադրբեջանի նախագահներ Ռոբերտ Քոչարյանն ու Իլհամ Ալիեւը ղարաբաղյան հակամարտության կարգավորման վերաբերյալ, չհաշված ԵԱՀԿ ՄԽ համանախագահների այցերը տարածաշրջան: «Հնարավորությունների պատուհանը», որի մասին այդքան խոսվեց 2006 թվականի հունվարին, այդպես էլ փակ մնաց: Երկրի համար անցած տարին նշանավորվեց նաեւ երեք կարեւոր փաստաթղթերի ստորագրմամբ` ՆԱՏՕ-ի հետ Անհատական գործընկերության գործողությունների ծրագիրը (IPAP), Հայաստան-ԵՄ Գործողությունների ծրագիրը Եվրոպական հարեւանության քաղաքականության շրջանակներում եւ մասնակցությունը ԱՄՆ կառավարության «Հազարամյակի մարտահրավերների» ծրագրին: Եվ հավանաբար, հարկ է նշել նաեւ Հռոմի Պապ Բենեդիկտոս XVI-ի պատմական այցը Թուրքիա, որտեղ նա հիշեցրեց թուրքերին Հայոց ցեղասպանության մասին:  Ամենաընթերցվողը բաժնում ՀՀԿ-ն «աղքատացել է», ՔՊ-ն՝ «հարստացել» Հայաստանի բազմաթիվ կառույցներ մնացել են առանց ղեկավարի Ով ինչպիսի աղմուկով հեռացավ և ինչու ՌԴ-ն փորձում է չմարգինալացվել ՀՀ-Ադրբեջան բանակցային գործընթացում    Ուշադրության կենտրոնում Բաժնի այլ նյութերըՊարտության առաջին ամիսը  Հայաստանը նոյեմբերի 10-ից հետո՝ թվերովԴրագոմանների ժամանակը Դեպի արդիականացված արտաքին քաղաքականությունԲարձր պաշտոնից՝ մեղավորի աթոռին 2018-ի «մեղադրյալները» |  Այլ հոդվածներ Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
