  ՆԱԽԱԳԱՀԱԿԱՆ ԸՆՏՐՈՒԹՅՈՒՆՆԵՐՈՒՄ ՄԻԱՍՆԱԿԱՆ ԹԵԿՆԱԾՈՒԻ ԲԱՑԱԿԱՅՈՒԹՅՈՒՆԸ ՉԻ ԱԶԴԻ ՀԱՅԱՍՏԱՆԻ ԸՆԴԴԻՄՈՒԹՅԱՆ ԴԻՐՔԵՐԻ ՎՐԱ10 փետրվարի 2003 - 21:58 AMT PanARMENIAN.Net - Հայաստանի ընդդիմության ներկայացուցիչները գտնում են, որ 16 ընդդիմադիր կուսակցությունների միավորման` միասնական թեկնածուի շուրջ համախմբման գործում անհաջողությունը միանգամայն չի թուլացրել ընդդիմության դիրքերը երկրի նախագահի ընտրությունների նախաշեմին: Ինչպես «Արմինֆո» գործակալությանն է հայտարարել նախագահի թեկնածու «Ազգային միաբանություն» կուսակցության առաջնորդ Արտաշես Գեղամյանը, ընտրություններում առաջադրելով միանգամից մի քանի թեկնածու` ընդդիմությունը միանգամայն շրջահայացորեն է վարվել: Նրա խոսքերով, այդպիսով ընդդիմությունը կարող է խուսափել նախագահական ընտրությունների ընթացքում ցանկացած պատահականություններից` միաժամանակ հրաժարվելով մեկնաբանել, թե ինչ պատահականությունների մասին է խոսքը: Նախագահի մեկ այլ թեկնածու, «Ազգային-ժողովրդավարական միության» առաջնորդ Վազեն Մանուկյանը նշել է, որ ընդդիմությունից նախագահի միասնական թեկնածուն ոգեւորող գործոն կլիներ հասարակայնության համար: Միեւնույն ժամանակ, նրա խոսքերով, ընդդիմությունից նախագահի ոչ բոլոր միասնական թեկնածուները կարող են ոգեւորել երկրի հասարակայնությանը: Վ.Մանուկյանը նշել է, որ միասնական թեկնածուի բացակայությունը չի ազդի ընդդիմության ուժեղ դիրքերի վրա պետության ղեկավարի ընտրությունների նախաշեմին` դա նույնիսկ ունի իր դրական պահերը: Նրա կարծիքով, միանգամից մի քանի թեկնածուների ակտիվ հանդիպումները ընտրողների հետ, կտրուկ բարձրացրել են ընդդիմության վարկանիշը: Հայաստանի կոմունիստական կուսակցության երկրորդ քարտուղար Սանատրուկ Սահակյանը հայտարարել է, որ նախագահի միասնական թեկնածուի շուրջ ընդդիմության համախմբումը կնպաստեր նախագահական ընտրություններում ընդդիմության անվերապահ հաղթանակին: Նա համոզմունք է հայտնել, որ երկրորդ փուլի հնարավորության դեպքում ընդդիմությունը պարտադիր կերպով կհամախմբվի միասնական թեկնածուի շուրջ:  Ուշագրավ «Իմ այցը Երևանում Հայոց ցեղասպանության հուշահամալիր խորապես հուզիչ էր»,–գրել է նա Նշվում է, որ հատկապես վերջին օրերին տարածված կեղծիքին պետք է պատասխանել Ըստ ադրբեջանական ԶԼՄ–ների, «համարժեք պատասխան միջոցներ են ձեռնարկվել» Վարույթ իրականացնող մարմինն այլևս չի կարծում, որ պետությանը պատճառվել է վնաս   Ամենաընթերցվողը բաժնում |  Վերջին լուրեր Հոլիվուդյան դերասան Ջո Մանգանիելոն Ծիծեռնակաբերդում եղևնի է տնկել ի հիշատակ իր մեծ տատի  Դերասանի մորական մեծ տատը` Թերվիզ Ռոուզ Դարակջյանը, վերապրել է Հայոց ցեղասպանությունըԻնքնագլորներով երթևեկել կթույլատրվի 18-ից բարձր, նաև 16-ը լրացած և AM կարգի վարելու իրավունք ունեցողներին Պահանջները խախտելու համար կնախատեսվեն պատասխանատվության միջոցներԵՄ–ն 18 մլն եվրո կհատկացնի ԼՂ–ից բռնի տեղահանվածների ինտեգրմանը Նախագծի նպատակն է նաև աջակցել Հայաստանի սոցիալական և տնտեսական դիմակայունությանը |
